كەيبٸر قازاقستاندىقتار ٷشٸن ينتەرنەتتەن باس تارتۋ كٷتپەگەن شىعىنعا اينالىپ جاتىر. تۇرعىندار ونداعان مىڭ تەڭگە كٶلەمٸندە قوسىمشا تٶلەم سۇرالاتىنىن جەنە قىزمەتتٸ ٶشٸرۋ پروتسەسٸ سوزىلىپ كەتەتٸنٸن ايتىپ شاعىمدانىپ جاتىر, دەپ حابارلايدى Dalanews.kz Finratings باسىلىمىنا سٸلتەمە جاساپ.
جەلٸدە تاراعان پٸكٸرلەرگە قاراعاندا, جاعداي كٶبٸنە ۇقساس ستسەنارييمەن ٶربيدٸ. پايدالانۋشىلاردى ينتەرنەت ساپاسى قاناعاتتاندىرماي, كەلٸسٸمدٸ بۇزعىسى كەلەدٸ. الايدا قاراپايىم رەسٸمنٸڭ ورنىنا تٷرلٸ كەدەرگٸلەرگە تاپ بولادى.
ەلەۋمەتتٸك جەلٸلەردە كەلٸسٸمدٸ توقتاتۋ كەزٸندە 20 مىڭنان 40 مىڭ تەڭگەگە دەيٸن تٶلەم تالاپ ەتٸلەتٸنٸ جيٸ جازىلىپ جٷر. بۇل كٶپشٸلٸك ٷشٸن كٷتپەگەن جاعداي بولعان.
بٸر قولدانۋشى: «ينتەرنەتتٸ ٶشٸرگٸم كەلدٸ, شامامەن 30 مىڭ تەڭگە تٶلەۋ كەرەك دەدٸ», – دەپ جازعان.
كەيبٸر تۇرعىنداردىڭ سٶزٸنشە, مەسەلە مۇنىمەن شەكتەلمەيدٸ. وپەراتورعا حابارلاسۋ قيىن, ٶتٸنٸشتەر ۇزاق قارالادى, ال اجىراتۋ مەرزٸمٸ سوزىلىپ كەتەدٸ. بٸرٸ كەڭسەگە بٸرنەشە رەت بارسا, ەندٸ بٸرٸ مەسسەندجەر ارقىلى حات جازىپ, جاۋاپ كٷتۋگە مەجبٷر بولعان.
كٷردەلٸ جاعدايلار دا كەزدەسەدٸ.
بٸر قازاقستاندىق ەيەلدٸڭ ايتۋىنشا, كەڭسەدە كەلٸسٸمشارت بٶتەن ادامنىڭ اتىنا رەسٸمدەلگەنٸ ايتىلعان. ال ونلاين جٷيەدە باسقا ەسٸم كٶرسەتٸلگەن. وسى ارالىقتا مەسەلە شەشٸلمەي جٷرگەندە ٶسٸمپۇل جينالىپ, ينتەرنەت تٶلەم ٶتەلگەنشە اجىراتىلماعان.
باسقا قولدانۋشىلار دا ۇقساس جاعدايلاردى بٶلٸسكەن. ولاردىڭ سٶزٸنشە, قۇرىلعىنى تاپسىرعاننان نەمەسە ٶتٸنٸش بەرگەننەن كەيٸن بٸراز ۋاقىتتان سوڭ قايتادان قارىز شىعىپ, ەسكە سالاتىن قوڭىراۋلار جالعاسقان.
سونىمەن بٸرگە كەي كليەنتتەر كەرٸسٸنشە پٸكٸر بٸلدٸرەدٸ. ولاردىڭ ايتۋىنشا, ينتەرنەتتٸ ٶشٸرۋ ەش قيىندىقسىز ٶتەدٸ – قوڭىراۋ شالۋ نەمەسە ونلاين ٶتٸنٸش بەرۋ جەتكٸلٸكتٸ, كەيدە تەك مودەمدٸ قايتارۋ قاجەت.
نەلٸكتەن قوسىمشا تٶلەم شىعادى?
«قازاقتەلەكومدا» مۇنىڭ سەبەبٸ كٶبٸنە مەرزٸمدٸ كەلٸسٸمشارتتارمەن بايلانىستى ەكەنٸن تٷسٸندٸرەدٸ.
كومپانييا مەلٸمەتٸنشە, ەگەر ينتەرنەت تٶمەندەتٸلگەن باعامەن قوسىلىپ, قىزمەتتٸ بەلگٸلٸ بٸر مەرزٸم پايدالانۋ مٸندەتتەلسە, كەلٸسٸمنەن ەرتە باس تارتقان جاعدايدا بازالىق تاريف پەن جەڭٸلدٸكپەن تٶلەنگەن باعانىڭ ايىرماسى ٶندٸرٸلٸپ الىنادى.
ياعني بۇل بەرٸلگەن جەڭٸلدٸكتٸ قايتارۋ رەتٸندە قاراستىرىلادى.
قاي كەزدە تٶلەم الىنبايدى?
قوسىمشا اقى تالاپ ەتٸلمەيدٸ, ەگەر:
- قىزمەت ساپاسى رەسمي تٷردە قاناعاتتانارلىقسىز دەپ تانىلسا;
- جاڭا مەكەنجايدا تەحنيكالىق قوسىلۋ مٷمكٸندٸگٸ بولماسا;
- كەلٸسٸمشارت قايتا رەسٸمدەلسە نەمەسە تاريف شارتتارى ناشارلاماي ٶزگەرتٸلسە.
مەسەلەنٸڭ تٷيٸنٸ – كٶپشٸلٸك قوسىلۋ كەزٸندە كەلٸسٸمشارت تالاپتارىنا مەن بەرە بەرمەيدٸ. ينتەرنەت تەز ەرٸ تيٸمدٸ شارتپەن قوسىلادى. بٸراق ودان باس تارتۋ كەيدە ۇزاققا سوزىلعان پروتسەسس پەن قوسىمشا شىعىنعا ۇلاسۋى مٷمكٸن.
