بۇگىن قوس كۇيەۋ بالا وزدەرىنىڭ قىزمەتىنەن قوش ايتىستى. ناقتىراق ايتساق، داريعا نازاربايەۆانىڭ جۇبايى قايرات شارىپبايەۆ «QazaqGaz» ۇلتتىق كومپانياسى» اق باسقارما ءتوراعاسى قىزمەتىنەن بوساتىلسا، ءاليا نازاربايەۆانىڭ جۇبايى ديماش دوسانوۆ «قازترانسويل» اق باس ديرەكتورلىعىنىڭ وكىلەتتىگى مەرزىمىنەن بۇرىن توقتاتتى، – دەپ حابارلايدى Dalanews.kz.

«QazaqGaz» ۇلتتىق كومپانياسى» اق ديرەكتورلار كەڭەسىنىڭ 2022 جىلدىڭ 14 قاڭتارىنداعى شەشىمىنە سايكەس، قايرات شارىپبايەۆتىڭ ارىزى نەگىزىندە، ونىڭ «QazaqGaz» ۇلتتىق كومپانياسى» اق باسقارما ءتوراعاسى رەتىندەگى وكىلەتتىگى توقتاتىلدى.

«قازترانسويل» اق ديرەكتورلار كەڭەسىنىڭ 2022 جىلدىڭ 14 قاڭتارىنداعى شەشىمىنە سايكەس، ديماش دوسانوۆتىڭ ارىزى نەگىزىندە، ونىڭ «قازترانسويل» اق باس ديرەكتورى (باسقارما ءتوراعاسى) رەتىندەگى وكىلەتتىگى مەرزىمىنەن بۇرىن توقتاتىلعان.