قايرات ساتىبالدىنىڭ زايىبى گٷلميرا ساتىبالدى جايىندا ەڭگٸمە قوزعاردا ونىڭ نازارباەۆ ەۋلەتٸن ارقالانىپ, ەلدەكٸمدەردٸڭ تابىستى بيزنەسٸن تارتىپ العان ەرەكەتٸ بٸردەن ەسكە تٷسدٸ. ەدەتتە نازارباەۆ وتباسى مٷشەلەرٸ بيزنەستە تابىستى جۇمىس ٸستەپ, ٷلكەن بايلىققا كەنەلگەندٸ جٶن سانايدى. ولاردىڭ قاي-قايسىسىنىڭ بيوگرافيياسىنا كٶز سالساڭىز, تۋا بٸتتٸ كەسٸپكەرلٸك قابٸلەتكە يە مە دەپ تاڭقالاسىڭ.
ال گٷلميرا حانىمنىڭ 2009-2015 جىلدارى بۇۇ-نىڭ نيۋ-يوركتەگٸ 6 جىلعا سوزىلعان ديپلوماتييالىق قىزمەتٸ جايىندا كٶپشٸلٸك بٸلە بەرمەيدٸ دەپ جازادى Dalanews.kz.
عالامتورداعى اشىق اقپارات كٶزدەرٸنەن گٷلميرا ساتىبالدىنىڭ نەگٸزگٸ ماماندىعى ۇستاز ەكەنٸن بٸلۋگە بولادى. ٶكٸنٸشكە قاراي, عالامتوردان ونىڭ قاي مەكتەپتە جۇمىس ٸستەگەنٸن تابۋ مٷمكٸن بولمادى.
ەسەسٸنە, ونىڭ رەيدەرلٸك ەرەكەتپەن اينالىسىپ, كەسٸپكەرلەردٸ قان قاقساتقانى جايلى اقپارات تولىپ تۇر.
ەندٸ نەگٸزگٸ ەڭگٸمەمٸزگە كٶشسەك. 2009 جىلى گٷلەكەڭ قازاقستاننىڭ بۇۇ-داعى ٶكٸلدٸگٸندە ٷشٸنشٸ حاتشى بولىپ, ديپلوماتييا سالاسىنداعى مانسابىن باستايدى.
بۇل كٸسٸ دە قايىناعاسى بولات نازارباەۆ ايتقانداي, "ەۋلەتتٸڭ تەگٸن پايدالانباستان" ٶزٸنە تاپسىرىلعان جۇمىستى تابىستى اتقارىپ, بار بولعانى ەكٸ جىلدا بٸرٸنشٸ حاتشى ستاتۋسىنا يە بولعان. بٸراق گٷلميرا حانىمدى قوعام بٸلٸكتٸ ديپلومات دەپ ەش ۋاقىتتا تانىعان ەمەس.
وسى رەتتە "ول نيۋ-يوركتەگٸ ديپقىزمەتٸندە قانداي مەسەلەمەن اينالىستى?" دەگەن سۇراق تۋىندايدى.
ەرينە, گٷلميرا حانىمنىڭ ساياسي-ەكونوميكالىق مەسەلەلەرمەن اينالىسپاعىنىن ٸشٸڭٸز سەزٸپ وتىرعان شىعار. مۇنداي كٷردەلٸ ٸسپەن اينالىسۋعا ول كٸسٸنٸڭ ٶرەسٸ جەتپەسٸ انىق.
گٷلەكەڭ قازاقستاننىڭ بۇۇ-داعى ٶكٸلدٸگٸندە قىزمەت اتقارعان تۇستا مەدەنيەت سالاسىنا جاۋاپتى بولعان. الايدا وتباسىنىڭ "پىسىق كەلٸنٸ" نيۋ-يوركتەگٸ 6 جىلدىق قىزمەتٸندە قازاق مەدەنيەتٸن ەلەمگە قالاي ناسيحاتتاعانىن ەشقانداي ديپلومات ايتىپ بەرە المايدى. جالپى, پەداگوگ ماماندىعىن مەڭگەرگەن كەلٸننٸڭ اۋىز تولتىرىپ ايتاتىنداي ٸس اتقارماعانىن ٸشٸڭٸز سەزٸپ وتىرعان شىعار.
بۇۇ-داعى ٶكٸلدٸكتە تۇتاستاي ەلدٸڭ مەدەني قۇندىلىقتارىن ناسيحاتتاۋ وڭاي شارۋا ەمەس. مۇنداي جاۋاپتى قىزمەتتٸ اتقارۋ ٷشٸن ٷلكەن ٸس-تەجٸريبە قاجەت. مۇنداي بٸلٸك پەن بٸلٸم نازارباەۆتار ەۋلەتٸنٸڭ كەلٸنٸندە قايدان بولسىن?
گٷلەكەڭدە جاۋاپتى قىزمەتكە قابىلداردا ونىڭ ديپلوماتييالىق ٸس-تەجٸريبەسٸنە ەشكٸم قاراپ جاتپاسا كەرەك.
بٸزگە بەلگٸلٸ بولعانداي گٷلەكەڭ قازاقستاننىڭ بۇۇ-داعى ٶكٸلدٸگٸندە ەلٸمٸزدەگٸ ديپلوماتتاردىڭ جٷيكەسٸن جٷن قىلعان.
گٷلميرا حانىمنىڭ نەلٸكتەن ديپقىزمەتكە اڭسارى اۋىپ, قىزىعا قالدى دەگەن سۇراق تۋىندايدى. ونىڭ ٶزٸندٸك سەبەپتەرٸ بار.
قازاقستاننىڭ بۇۇ-داعى ٶكٸلدٸگٸندە جۇمىس ٸستەگەن قىزمەتكەرلەرگە مەملەكەت تاراپىنان بٸرقاتار جايلى جاعداي مەن جەڭٸلدٸكتەر ۇسىنىلادى. شاماسى گٷلەكەڭ نيۋ-يوركتە تۇرىپ, وسى يگٸلٸكتەرگە قول جەتكٸزۋدٸ كٶكسەسە كەرەك.
مەملەكەت بۇۇ-داعى ٶكٸلدٸگٸندە جۇمىس ٸستەگەن ديپلوماتتاردىڭ تۇرعىن ٷي جالداۋ شىعىنىن, بالالارىنىڭ مەكتەپتەگٸ وقۋ اقىسىن تٶلەپ بەرەتٸنٸ بەلگٸلٸ.
ەڭ ماڭىزدىسى حالىقارالىق ۇيىمدا جۇمىس ٸستەگەن قىزمەتكەرلەردٸڭ ٷستٸنەن قىلمىستىق ٸس قوزعاپ, تٷرمەگە توعىتۋعا قارسى يممۋنيتەت بار (گٷلەكەڭدٸ وسى مٷمكٸندٸك قاتتى قىزىقتىرۋى مٷمكٸن).
بۇدان باسقا ديپقىزمەتتە جٷرگەن مۇنداي ادامدار بٸرقاتار سالىقتان بوساتىلادى (گٷلەكەڭ ٷشٸن بۇل دا ماڭىزدى بولعانى انىق).
وسىدان-اق گٷلميرا حانىمنىڭ ديپلومات بولۋعا نەلٸكتەن اڭسارى اۋعانىن بايقاۋعان شىعارسىز.
ول قازاقستاننىڭ بۇۇ-داعى ٶكٸلدٸگٸنە جۇمىسقا تۇرعاندا ەلدٸڭ مەدەنيەتٸن دامىتۋدان بۇرىن ديپقىزمەتتٸڭ يگٸلٸكتەرٸنە قول جەتكٸزۋدٸ كٶزدەگەن.
گٷلميرا حانىم قازاقستاننىڭ بۇۇ-داعى ٶكٸلدٸگٸندە تابانى كٷرەكتەي 6 جىل جۇمىس ٸستەگەندە قازاقستاننىڭ مەدەنيەتٸن ەلەمگە تانىتتى دەگەن ەڭگٸمەنٸ ەشكٸم ەستٸمەگەنٸ انىق. قاڭتار وقيعاسى بولماعاندا گٷلميرا حانىم قازاقستاننىڭ باتىس ەلدەرٸندەگٸ بٸر ەلشٸسٸ بولىپ كەتەر مە ەدٸ?..
