قىرعىزستاننىڭ بۇرىنعى پرەزيدەنتٸ اسقار اقاەۆ جوعارى كەڭەسكە ەكس-پرەزيدەنت مەرتەبەسٸن قايتارۋدى سۇراپ ٶتٸنٸش بٸلدٸردٸ, - دەپ حابارلايدى Dalanews.kz Alash.kz ۇلتتىق پورتالىنا سٸلتەپ.
بۇل تۋرالى كونستيتۋتسييالىق زاڭناما, مەملەكەتتٸك قۇرىلىم, سوت-قۇقىقتىق مەسەلەلەر جەنە رەگلامەنت جٶنٸندەگٸ پارلامەنت كوميتەتٸنٸڭ تٶراعاسى چولپون سۇلتانبەكوۆا مەلٸمدەدٸ.
سۇلتانبەكوۆانىڭ ايتۋىنشا, اقاەۆتان حات وعان 5 قىركٷيەك كٷنٸ تاڭدا كەلٸپ تٷسكەن. ال جوگوركۋ كەنەشتٸڭ سپيكەرٸ نۇرلانبەك شەكٸەۆتٸڭ اتىنا 30 شٸلدەدە كەلٸپ تٷسكەن. دەپۋتات اقاەۆقا ەكس-پرەزيدەنت مەرتەبەسٸن قايتارۋ مەسەلەسٸ كٷن تەرتٸبٸنە ەنٸپ-ەنبەيتٸنٸن جەنە قاشان تالقىلاناتىنىن تٷسٸندٸردٸ.
«الدىمەن فراكتسييالار, ولاردىڭ جەتەكشٸلەرٸ جەنە دەپۋتاتتارمەن كەلٸسسٶزدەر جٷرگٸزٸلەدٸ. وسىدان كەيٸن مەسەلەنٸ تالقىلاۋعا شىعاراتىن كٷندٸ جارييالايمىز», – دەپ تٷسٸندٸردٸ ول.
ايتا كەتەيٸك, اسقار اقاەۆتىڭ ۇلى ايدار اقاەۆ 1998 جىلى نۇرسۇلتان نازارباەۆتىڭ قىزى ەلييا نازارباەۆاعا ٷيلەنگەن بولاتىن. ول كەزدە ەلييا 18 جاستا بولعان.
اسقار اقاەۆ – تەۋەلسٸز قىرعىزستاننىڭ العاشقى پرەزيدەنتٸ. ول رەسپۋبليكاعا 1990 جىلدان 2005 جىلعا دەيٸن باسشىلىق ەتتٸ. 2005 جىلعى 24 ناۋرىزدا اقاەۆتاردىڭ وتباسىلىق بيلٸگٸنە قارسى باعىتتالعان حالىقتىق كٶتەرٸلٸس نەتيجەسٸندە ول پرەزيدەنتتٸك قىزمەتتەن قۇلاتىلدى. سول جىلى جوگوركۋ كەنەش ونى «العاشقى پرەزيدەنت» مەرتەبەسٸنەن ايىردى. 2010 جىلى ۋاقىتشا ٷكٸمەت تە ٶزٸنٸڭ جارلىعىمەن اسقار اقاەۆتى «ەكس» مەرتەبەسٸنەن ايىردى.
