نۇرسۇلتان نازاربايەۆتىڭ قىزى ءاليا نازاربايەۆانىڭ Clean City NC كومپانياسى قورعانىس مينيسترلىگىنىڭ اقمولا وبلىستىق جەدەل بولىمشەسىمەن كەلىسىمگە وتىردى، - دەپ حابارلايدى Dalanews.kz Orda.kz-كە سىلتەپ.
باسىلىم مالىمەتىنشە، Clean City NC قورعانىس مينيسترلىگىنىڭ اقمولا وبلىستىق جەدەل بولىمشەسىمەن كەلىسىمشارتقا وتىرعان. بۇل كەلىسىم 1 قاڭتاردان 31 جەلتوقسانعا دەيىنگى ارالىقتى قامتيدى.
"كەلىسىمشارتتىڭ جالپى قۇنى سالىقتى قوسقاندا 20،3 ميلليون تەڭگە بولادى"، - دەپ جازىلعان مالىمەتتە.
بۇعان دەيىن ءاليا نازاربايەۆانىڭ كومپانياسى استاناداعى جۇمىسىن جالعاستىراتىنى بەلگىلى بولدى.
استانا اكىمدىگى قالادا قوقىس شىعارۋعا جاۋاپ بەرەتىن مەردىگەردى تاڭداۋ بويىنشا كونكۋرس وتكىزگەن. ونىڭ جەڭىمپازدارىنىڭ ءبىرى ءاليا نازاربايەۆانىڭ Clean City NC كومپانياسى بولدى.
اكىمدىك قالانىڭ ءار اۋدانىنا بەس مەردىگەر تاڭدادى. الماتى اۋدانىندا قوقىستى شىعارۋمەن Clean City NC اينالىسادى.
- ەسىل اۋدانى - "Taza Zher Capital" ج ش س؛
- نۇرا اۋدانى - "Taza Zher Capital" ج ش س؛
- سارىارقا اۋدانى - "Zero Waste" ج ش س؛
- الماتى اۋدانى - "Clean City NC" ج ش س.
ايتا كەتەيىك، بۇعان دەيىن جۋرناليست ميحايل كوزاچكوۆ تەلەگرام ارناسىندا ەكس-پرەزيدەنت نۇرسۇلتان نارزاربايەۆتىڭ قىزى ءاليا نازاربايەۆاعا قاتىسى بار كومپانيا استانالىقتاردىڭ اقشاسىن جىمقىرىپ جۇرگەنىن ايتتى. ءجۋرناليستىڭ وقىرماندارى استاناداعى ۇيلەردىڭ الدىندا قوقىستار جينالماي جاتقانىنا شاعىمدانعان.
"استانادا قوقىستى تاسۋمەن اينالىساتىن كومپانيا جاي كومپانيا ەمەس. كومپانيا راسىندا ءاليا نازاربايەۆامەن بايلانىستى. ءبىراق ونىڭ قىزمەتى قىلمىستىق ءىستى تەرگەۋگە بايلانىستى اقساڭداپ تۇر.
2022 جىلدىڭ كۇزىنەن بەرى فيرما ءتاريفتى قىمباتتاتۋ ارقىلى استانالىقتاردىڭ اقشاسىن جىمقىرعان دەگەن كۇدىككە ىلىنگەن. ونىڭ ءبىر جارىم جىلىندا ساراپتاما ءجۇرىپ جاتىر. سول ارقىلى اقشا جىمقىرىلعانى دالەلدەنۋى مۇمكىن"، - دەدى كوزاچكوۆ.
