Nursultan Nazarbaevtyń qyzy Áliia Nazarbaevanyń Clean City NC kompaniiasy qorǵanys ministrliginiń Aqmola oblystyq jedel bólimshesimen kelisimge otyrdy, - dep habarlaidy Dalanews.kz Orda.kz-ke siltep.
Basylym málimetinshe, Clean City NC qorǵanys ministrliginiń Aqmola oblystyq jedel bólimshesimen kelisimshartqa otyrǵan. Bul kelisim 1 qańtardan 31 jeltoqsanǵa deiingi aralyqty qamtidy.
"Kelisimsharttyń jalpy quny salyqty qosqanda 20,3 million teńge bolady", - dep jazylǵan málimette.
Buǵan deiin Áliia Nazarbaevanyń kompaniiasy Astanadaǵy jumysyn jalǵastyratyny belgili boldy.
Astana ákimdigi qalada qoqys shyǵarýǵa jaýap beretin merdigerdi tańdaý boiynsha konkýrs ótkizgen. Onyń jeńimpazdarynyń biri Áliia Nazarbaevanyń Clean City NC kompaniiasy boldy.
Ákimdik qalanyń ár aýdanyna bes merdiger tańdady. Almaty aýdanynda qoqysty shyǵarýmen Clean City NC ainalysady.
- Esil aýdany - "Taza Zher Capital" JShS;
- Nura aýdany - "Taza Zher Capital" JShS;
- Saryarqa aýdany - "Zero Waste" JShS;
- Almaty aýdany - "Clean City NC" JShS.
Aita keteiik, buǵan deiin jýrnalist Mihail Kozachkov telegram arnasynda eks-prezident Nursultan Narzarbaevtyń qyzy Áliia Nazarbaevaǵa qatysy bar kompaniia astanalyqtardyń aqshasyn jymqyryp júrgenin aitty. Jýrnalistiń oqyrmandary Astanadaǵy úilerdiń aldynda qoqystar jinalmai jatqanyna shaǵymdanǵan.
"Astanada qoqysty tasýmen ainalysatyn kompaniia jai kompaniia emes. Kompaniia rasynda Áliia Nazarbaevamen bailanysty. Biraq onyń qyzmeti qylmystyq isti tergeýge bailanysty aqsańdap tur.
2022 jyldyń kúzinen beri firma tarifti qymbattatý arqyly astanalyqtardyń aqshasyn jymqyrǵan degen kúdikke ilingen. Onyń bir jarym jylynda saraptama júrip jatyr. Sol arqyly aqsha jymqyrylǵany dáleldenýi múmkin", - dedi Kozachkov.
