"قىمباتتى قازاقستاندىقتار، وسى مىنبەرردە تۇرىپ مەن بارلىق وتانداستارىمىزدى ماڭىزدى ءارى ادەمى ناۋرىز مەرەكەسىمەن قۇتتىقتايمىن. بۇل مەرەكە ۇلتقا نەمەسە دىنگە بولىنبەيدى، بۇل جالپى ۇلتتىق مەرەكە. ناۋرىز - تاريحى تەرەڭنەن كەلە جاتقان مەرەكە، بۇل سەنىمدىلىك، دوستىق، باۋىرلاستىق، ەلىمىزدىڭ تۇراقتىلىعىنىڭ سيمۆولى"، - دەدى نۇرسۇلتان نازاربايەۆ. مەملەكەت باسشىسى وتكەن جىلدى قورىتىندىلاپ، ءۇشىنشى جاڭعىرتۋ باعدارلاماسىنىڭ ماڭىزدىلىعىن ايتىپ، كونستيتۋسياعا وزگەرتۋلەر ەنگىزىلگەنى تۋرالى جانە ساياسي ەكونوميكالىق جاڭارتۋلار جايىندا ايتتى.
"قازاقستاننىڭ بارلىق ازاماتتارىنىڭ ماقساتى بىرەۋ عانا - بارلىق ۇيدە، بارلىق وتباسىندا بەرەكە، بىرلىك، تۇراقتىلىق بولۋ. اركىم الاڭسىز ەڭبەك ەتىپ، وتانىنا جانە وزىنە پايداسىن اكەلۋ، ءوسىپ كەلە جاتقان ۇل-قىزىن تاربيەلەپ، كەلەر كۇندى قۋانىشپەن قارسى الۋ. بۇل ەڭبەكتىڭ ارقاسىندا كەلەدى - ەڭبەكدى مەملەكەت قامتاماسىز ەتەدى. كوكتەمنىڭ كەلۋىن بارشا الەم جۇرتشىلىعى اسا قۋانىشپەن كۇتەدى. بۇل كۇنى كۇن ۇزارىپ، ءتۇن قىسقارادى. كۇن جىلىنادى. ءار ادامنىڭ بويىنا قۋانىش ۇيالايدى"، - دەدى نازاربايەۆ.
نۇرسۇلتان نازاربايەۆ بارلىق ۇلىستاردى بىر-بىرىنە قوناققا بارىپ، ناۋرىز كوجەگە شاقىرىپ، بۇرىنعى وكپەنى كەشىرىپ، مەرەكە دوستىقتا تويلاۋعا شاقىردى. "بۇرىننان قالعان ءسوز بار، 21-نەن 22-نە قاراعان ءتۇنى قىدىر اتا جەر شارىن ارالاپ، ۇيلەرگە كىرەدى، سول ۇيلەرگە باقىت كەلەدى. قىدىر اتا قازاقستاندىجاقسىلاپ شارلاپ شىقسىن. بارلىعىمىزعا باقىت كەلسىن. بارشا قازاقستاندىقتاردى وسى مەرەكەمەن قۇتتىقتايمىن، بارلىعىنا باقىت تىلەيمسىن، ءبىر جىل بويى كوتەرىڭكى كوڭىل كۇيمەن جۇرىڭىزدەر"، - دەدى پرەزيدەنت.
