"قۇرمەتتى وتانداستار، كەلە جاتقان كوكتەم مەن جاقسىلىقتىڭ مەرەكەسى - ناۋرىز مەيرامى بارشا قازاقستاندىقتارعا قۇتتى بولسىن! بۇل - ۇزىن قىستان كەيىن، اياز بەن بوراننان كەيىن اسىعا كۇتەتىن مەرەكەمىز. مەنىڭ جارلىعىممەن، ناۋرىزدى ءۇش كۇن تويلايتىن بولامىز. باعزى زاماننان كەلە جاتقان مەرەكە تاۋەلسىزدىكپەن بىرگە قايتا ورالدى. مىنەكي، تاۋەلسىزدىكتى العالى بەرى وسى ناۋرىزدى اتاپ كەلە جاتىرمىز. تۇبىندە بۇل ءبىزدىڭ نەگىزگى جاڭاجىلدىق مەرەكەمىز بولادى. 1 قاڭتاردى I پەتر باتىس ەۋروپادان الىپ كەلگەن ەدى. ونى دا تويلايمىز. ءبىراق ءبىزدىڭ نەگىزگى مەرەكەمىز - كۇن مەن ءتۇننىڭ تەڭەلەتىن، تابيعاتتىڭ بارلىعى وياناتىن كەز"، - دەپ اتاپ ءوتتى ن.نازاربايەۆ "جاڭارعان جەر، ب ا ق قونعان نۇرلى ەل" اتتى ميۋزيكلدى تاماشالاعاننان كەيىن تىلشىلەرگە بەرگەن سۇحباتىندا.
مەملەكەت باسشىسىنىڭ ايتۋىنشا، تاۋەلسىزدىك جىلدارى ىشىندە ءبىراز شارۋا اتقارىلدى. بۇنىڭ بارلىعى xالىق بىرلىگى ارقاسىندا ىسكە اسىپ وتىر.
الەمدە بولىپ جاتقان وزگەرىستەرگە بايلانىستى جاڭارۋ، تەxنولوگيالىق دامۋ، رۋxاني جاڭعىرۋ جانە تاعى باسقا باعدارلامالار قولعا الىندى. بەس الەۋمەتتىك باستاما دا قاراپايىم xالىقتىڭ جاعدايىن جاقسارتۋعا ارنالعان.
سەبەبى ونىڭ ىشىندە ارزان يپوتەكا، جاتاقxانا سالۋ، تابىسى از ادامداردى سالىقتان بوساتۋ، گازداندىرۋ سياقتى ماڭىزدى ماسەلەلەر بار. "وسى ۋاقىتقا دەيىن قازاقستان الەمگە كەڭىنەن تانىلدى. ەلدىڭ بىرلىگى مىقتى بولعاندىقتان، مەملەكەتتىڭ ابىرويى ارتىپ كەلەدى. بولاشاقتا وسىنى ۇستانۋىمىز قاجەت. سەبەبى ەلدىڭ بىرلىگى، ءبىر جۇدىرىق بولىپ جۇمىلۋى - بولاشاق تابىستارىمىزدىڭ كوزى بولىپ سانالادى"، - دەپ اتاپ كورسەتتى پرەزيدەنت.
بۇعان دەيىن حابارلاعانىمىزداي، بۇگىن ەلباسى استاناداعى كونگرەسس ورتالىعىندا ناۋرىز مەيرامىنا ارنالعان "جاڭارعان جەر، ب ا ق قونعان نۇرلى ەل" اتتى جاڭا ميۋزيكلدى تاماشالادى.
