"قۇرمەتتى وتانداستار! پاندەميا سالدارىنان قازاقستان بۇكىل الەم ەلدەرىمەن بىرگە كۇتپەگەن قيىندىقتارعا تاپ بولىپ، جاھاندىق داعدارىستىڭ ەڭ قيىن كەزەڭىن باستان وتكەرۋدە. الەۋمەتتىك-ەكونوميكالىق احۋالدىڭ كۇرت ناشارلاۋى ناتيجەسىندە دامىعان مەملەكەتتەر دە داعدارىسپەن كۇرەسۋدە. مۇنداي جاعدايدا كەز كەلگەن ۇكىمەتتىڭ الدىندا تۇرعان ەڭ وزەكتى ماسەلە – ەكونوميكانىڭ دامۋى جانە ەل ازاماتتارىنىڭ دەنساۋلىعى. بىزگە حالىقتىڭ قاۋىپسىزدىگى مەن اماندىعى ءۇشىن بار كۇش-جىگەرىمىزدى سالۋ ماڭىزدى. سوندىقتان پرەزيدەنتىمىز، ۇكىمەتىمىز كوپ شارالاردى قولعا الىپ جاتقانىن بىلەسىزدەر. وسى ورايدا مەديسينا قىزمەتكەرلەرىنە ەرەكشە العىسىمدى بىلدىرەمىن. ولار پاندەميانىڭ العاشقى كۇندەرىنەن باستاپ كوروناۆيرۋسقا قارسى كۇرەستىڭ الدىڭعى شەبىندە ءجۇر"، - دەدى ەلباسى.
سونداي-اق پارتيا ءتوراعاسى ۆولونتەرلارعا العىس ايتىپ، دەپۋتاتتارعا قاتىستى قوعامداعى سىنعا دا توقتالدى.
"ءبىز بىرگەمىز!" اكسياسى اياسىندا عانا "Jas Otan" بارلىق مۇقتاج جاندارعا قولداۋ كورسەتكەن بەس مىڭ ەرىكتىنىڭ باسىن بىرىكتىردى. ارينە، كەمشىلىكتەر دە بولدى.
كوروناۆيرۋس داعدارىسى مەملەكەتتىك باسقارۋدىڭ كەيبىر سالالارىندا ولقى تۇستار بار ەكەنىن دە كورسەتتى. جەدەل ارەكەت ەتۋ جاعى جەتىسپەي جاتتى، ماسەلەنىڭ شەشىلۋى بيۋروكراتيالىق كەدەرگىلەرگە كەپ تىرەلدى.
مەملەكەتتىك ورگاندار مەن كەيبىر باسشىلار حالىقتىڭ ناقتى پروبلەمالارىن جەتە سەزىنبەيدى دەگەن سىن ايتىلىپ جۇرگەنىن مەن جاقسى بىلەمىن. بۇل بارلىق دەڭگەيدەگى دەپۋتاتتاردىڭ دا جۇمىسىنا قاتىستى. ونى كوبىنە ورىندى سىن دەپ ەسەپتەيمىن. دەپۋتاتتار حالىقتىڭ ورتاسىندا بولىپ، ەلدىڭ مۇڭ-مۇقتاجىن جەتكىزۋگە ءتيىس. دەپۋتاتتاردىڭ مىندەتى – ءاردايىم ەل مۇددەسىن قورعاۋ. وسىنى ۇمىتپاۋىمىز كەرەك"، - دەدى ول.
كونستيتۋسيالىق رەفورما ءۇش جىل بۇرىن جۇرگىزىلدى.
"پارتيالىق-ساياسي جۇيەنى تەرەڭنەن قاۋزاپ، جاڭعىرتۋعا نەگىز قالاندى. پارلامەنتتىڭ ءرولى مەن ۇكىمەتتىڭ ەل الدىندا ەسەپ بەرۋ تالابى كۇشەيتىلدى. وكىلەتتى ورگانداردى سايلاۋدىڭ پروپورسيونالدى جۇيەسىنە كوشۋ جۇزەگە اسىرىلدى. بيىل ساياسي پارتيالاردى تىركەۋدە سان جاعى ەكى ەسە ازايتىلدى. پارتيالىق تىزىمدەگى ايەلدەر مەن جاستارعا 30% كۆوتا زاڭمەن ەنگىزىلدى. بۇل بيلىككە جاڭا بەتبۇرىستاردى ۇسىنۋدىڭ قاينار كوزى بولا الاتىن - ءوز سالاسىنىڭ كانىگى مامانى، بەدەلدى كوشباسشىسى، ەل تاعدىرىنا الاڭدايتىن، شەشىم قابىلداي الاتىن جانە سىندارلى ۇسىنىستار جاساي الاتىن ادامدار، - دەلىنگەن ەلباسى سايتىندا جاريالانعان حابارلامادا.
نازاربايەۆ ورتاق ماقسات - ەلدىڭ ەرتەڭى ەكەنىن باسا اتاپ ءوتتى.
"قۇرمەتتى وتانداستار! ءبىز تاۋەلسىزدىكتىڭ 30 جىلدىعى قارساڭىندا تۇرمىز. عاسىرعا تەڭ كەلەتىن جول ءجۇرىپ وتتىك. ءبىزدىڭ بۋىن اۋىرتپالىعى مول داعدارىس كەزەڭىندە ەگەمەن مەملەكەت قۇردى. ۇلتتىق ەكونوميكا قالىپتاستى. شەكارامىز شەگەندەلدى. قازاقستان الەمگە بەيبىتسۇيگىش ەل رەتىندە تانىلدى. ءبىز تۇراقتىلىق پەن كەلىسىمدى ساقتاي بىلدىك. ءبىرتۇتاس ۇلتقا اينالدىق. ءبىراق الدىمىزدا ءالى دە كوپتەگەن قيىندىقتار بار ەكەنى انىق.
مەن ءاردايىم ايتىپ كەلەمىن جانە ءقازىر دە قايتالاپ ايتامىن: "تاۋەلسىزدىككە قول جەتكىزۋ ءبىر بولەك، ونى كوزدىڭ قاراشىعىنداي قورعاپ، نىعايتىپ، كەلەر ۇرپاققا تاپسىرۋعا ءتيىسپىز".
سوندىقتان جيعان تاجىريبەمىزگە سۇيەنىپ، وتكەن كۇننەن ساباق الىپ، العا ۇمتىلۋىمىز كەرەك. ورتاق ماقسات – ەلدىڭ ەرتەڭى، حالىقتىڭ بولاشاعى جولىندا بىرىگە الاتىندار عانا تابىسقا قول جەتكىزەتىنىن ۇمىتپايىق"، - دەدى ءسوز سوڭىندا نۇرسۇلتان نازاربايەۆ.
