" حالقىم قانداي دەسەڭ، سالتىمنان سىناپ ءبىل "دەمەكشى، فاكۋلتەت ستۋدەنتتەرى مەن وقىتۋشىلارى كەلگەن قوناقتارعا قازاقتىڭ ءسالت-داستۇرى، ادەت-عۇرىپتارى مەن ناۋرىز مەيرامىنا ءتان ەرەكشەلىكتەر بارىنشا قامتىلعان كونسەرتتىك باعدارلاما ۇسىندى. مەرەكەلىك ءىس-شارانى قىتايتانۋ كافەدراسىنىڭ مەڭگەرۋشىسى ءنابيجان مۇحامەتقان ۇلى ءوزىنىڭ جاقسى تىلەكتەرى مەن جىلى لەبىزىن بىلدىرۋىمەن باستادى. ءسوز سويلەۋ كەزەگى ابدۋراقىن نۇرحالىق اعايعا بەرىلىپ، مەرەكەلىك كەش ءوز جالعاسىن تاپتى.
جينالعان قاۋىمعا قازاقتىڭ ۇلتتىق كيىمى كورسەتىلىپ، كۇمبىرلەگەن دومبىرا ءۇنى وينادى، حالقىمىزدىڭ ۇلتتىق ويىندارى جايلى شولۋ ( پرەزەنتاسيا ) جاسالىندى، قازاقتىڭ ۇلتتىق داستارحانىندا بولاتىن نەگىزگى تاماقتار ۇسىنىلدى. وعان قوسا، قىتايتانۋ كافەدراسىنىڭ ءبىرىنشى كۋرس ستۋدەنتتەرى ناۋرىز ءانىن ورىنداي وتىرىپ، جينالعانداردىڭ جۇرەكتەرىنە ەرەكشە سەزىم ۇيالاتتى. بىرەۋلەرى قوسىلا ءان شىرقاسا، كورەرمەندەر زالىنداعى كوپشىلىكتىڭ باسىم بولىگى بۇل ءاندى بيگە ۇلاستىردى.
مەنىڭ ويىمشا، مۇنىڭ ءبارى شەت ەل ستۋدەنتتەرىنىڭ حالقىمىزدىڭ ەجەلدەن كەلە جاتقان كونە سالت-داستۇرلەرى مەن ادەت-عۇرىپتارىن كەڭىنەن تانۋىنا زور ۇلەسىن قوستى. جالپى، ءبارىمىز اق جارقىن كوڭىلمەن جۇزدەسىپ، ءدام تاتىسىپ، جاقسى تىلەكتەر كوپتەپ ايتىلىپ، مەرەكەلىك كەشىمىز ويداعىداي ءوتتى.
ءال -فارابي اتىنداعى قازاق ۇلتتىق ۋنيۆەرسيتەتى
شىعىستانۋ فاكۋلتەتى قىتايتانۋ كافەدراسىنىڭ
وقىتۋشىسى ءشاريپقازى ءنۇرتالىپ
4 كۋرس ستۋدەنتى ابيلوۆا ايجان
جەتەكشىسى: ءشارىپقازى ءنۇرتالىپ
