" Halqym qandaı deseń, saltymnan synap bil "demekshi, fakúltet stýdentteri men oqytýshylary kelgen qonaqtarǵa qazaqtyń salt-dástúri, ádet-ǵuryptary men Naýryz meıramyna tán erekshelikter barynsha qamtylǵan konserttik baǵdarlama usyndy. Merekelik is-sharany qytaıtaný kafedrasynyń meńgerýshisi Nábıjan Muhametqanuly óziniń jaqsy tilekteri men jyly lebizin bildirýimen bastady. Sóz sóıleý kezegi Abdýraqyn Nurhalyq aǵaıǵa berilip, merekelik kesh óz jalǵasyn tapty.
Jınalǵan qaýymǵa qazaqtyń ulttyq kıimi kórsetilip, kúmbirlegen dombyra úni oınady, halqymyzdyń ulttyq oıyndary jaıly sholý ( prezentasıa ) jasalyndy, qazaqtyń ulttyq dastarhanynda bolatyn negizgi tamaqtar usynyldy. Oǵan qosa, qytaıtaný kafedrasynyń birinshi kýrs stýdentteri Naýryz ánin oryndaı otyryp, jınalǵandardyń júrekterine erekshe sezim uıalatty. Bireýleri qosyla án shyrqasa, kórermender zalyndaǵy kópshiliktiń basym bóligi bul ándi bıge ulastyrdy.
Meniń oıymsha, munyń bári shet el stýdentteriniń halqymyzdyń ejelden kele jatqan kóne salt-dástúrleri men ádet-ǵuryptaryn keńinen tanýyna zor úlesin qosty. Jalpy, bárimiz aq jarqyn kóńilmen júzdesip, dám tatysyp, jaqsy tilekter kóptep aıtylyp, merekelik keshimiz oıdaǵydaı ótti.
Ál -Farabı atyndaǵy Qazaq Ulttyq Ýnıversıteti
Shyǵystaný fakúlteti qytaıtaný kafedrasynyń
oqytýshysy Shárıpqazy Nurtálip
4 kýrs stýdenti Abılova Aıjan
Jetekshisi: Sháripqazy Nurtálip
