CEEMAN IQA ابىرويلى حالىقارالىق اككرەديتاسياسىن الۋ – الەمدىك دەڭگەيدەگى ۋنيۆەرسيتەتتەردىڭ قاتارىنا قوسىلۋعا مۇمكىندىك بەرەدى. اتالمىش ماراپات تەك نارحوزۋنيۆەرسيتەتىنىڭ عانا ەمەس، بۇكىل قازاقستاندىق جوعارعى وقۋدىڭ مويىنداۋ بولىپ تابىلادى. رەسمي ماراپاتتاۋ ءراسىمى تالليندەگى (ەستونيا) CEEMAN جىل سايىنعى 24ء-شى كونفەرەنسياسىندا وسى جىلدىڭ قىركۇيەك ايىندا وتەدى دەپ كۇتىلۋدە.
اككرەديتاسياعا دايىندىق بارىسىندا اتقارعان جۇمىستار جانە اككرەديتاسيالىق كوميسسيا مۇشەلەرىمەن ۋنيۆەرسيتەتتىڭ ستراتەگياسىن ىسكە اسىرۋ بويىنشا وتكىزىلگەن فوكۋس-گرۋپپالارعا قاتىسقانى ءۇشىن ۋنيۆەرسيتەت باسقارماسى ستۋدەنتتەرگە، تۇلەكتەرگە، بيزنەس-ارىپتەستەرگە، پروفەسسورلىق-وقىتۋشىلىق قۇرامعا، قىزمەتكەرلەرگە العىس ءبىلدىردى.
نارحوز ۋنيۆەرسيتەتى ميسسيا مەن ستراتەگيالىق باعىت، وقۋ جوسپارلارىن جانە دامۋ باعدارلامالارىنازىرلەۋ، يننوۆاسيالار، ءبىلىم بەرۋ ساپانى باقىلاۋ، اقپاراتتىق تەحنولوگيالار مەن ينفراقۇرىلىم، قوعامدىق دامۋىنا قوسقان ۇلەس، كورپوراتيۆتىك كوممۋنيكاسيا جانە حالىقارالىق ىنتىماقتاستىق باعىتتار بويىنشا باعالاندى.
– 2016 جىلى ءبىز نارحوز ۋنيۆەرسيتەتىنىڭ ستراتەگيالىق ماقساتى – ورتالىق ازياداعى ۇزدىك ەكونوميكالىق جوو بولۋ جولىندا وتە ماڭىزدى، ناتيجەلى قادامدار جاسادىق. شىن جۇرەكتەن قۇتتىقتايمىز! اتقارىلعان ۇلكەن جۇمىس جانە ۋنيۆەرسيتەتتىڭ ستراتەگيالىق مىندەتتەرىن ىسكە اسىرۋعا قوسقان ۇلەستەرىڭىز ءۇشىن العىس بىلدىرەمىز، – دەدى نارحوز ۋنيۆەرسيتەتىنىڭ رەكتورى كشيشتوف رىبينسكي.
«قمد» اقپارات
