تانىمال ەنشٸ ەرٸ ۇستاز ناعيما ەسقاليەۆا ەرٸپتەسٸ روزا رىمباەۆانىڭ ساحنادان كەتۋٸ مٷمكٸن دەگەن سٶزٸنە قاتىستى پٸكٸر بٸلدٸردٸ, دەپ حابارلايدى dalanews.kz.
جۋرناليست تيمۋر بالىمبەتوۆ سۇحبات بارىسىندا ودان روزا رىمباەۆانىڭ سوڭعى ۋاقىتتا ساحنامەن قوشتاسۋ تۋرالى جيٸ ايتۋىنىڭ سەبەبٸن سۇراعان.
ناعيما ەسقاليەۆانىڭ پٸكٸرٸنشە, روزا رىمباەۆا ساحنادان بٸرجولا كەتە المايدى.
"جىندى ما ول? ول قايدا كەتپەكشٸ? پۋگاچەۆانىڭ ٶزٸ جٷز رەت كەتٸپ, جٷز رەت كەلگەن. ول نەمەرەسٸمەن ۇزاققا وتىرا المايدى. ول ساحناسىز ٶمٸر سٷرە المايدى. بۇل – ونىڭ ٶمٸرٸ", – دەدٸ ەنشٸ.
سونداي-اق ناعيما ەسقاليەۆا روزا رىمباەۆانى بٸرنەشە رەت ۇستازدىق ەتۋگە شاقىرعانىن ايتتى.
"مەن ونى قانشاما مەرتە ۇستازدىق ەتۋگە شاقىرعام. بٸراق ول كەلٸسپەدٸ. ول بٸزدٸڭ اكادەمييادا ۇستازدىق ەتسە, بٸراز ستۋدەنتتٸڭ باعىن اشار ەدٸ. ٶتە كەرەمەت پەداگوگ بولاتىن ەدٸ", – دەدٸ ول.
ايتا كەتەيٸك, روزا رىمباەۆا ٶنەردەگٸ 50 جىلدىعىنا وراي ٷلكەن كونتسەرت ٶتكٸزۋدٸ جوسپارلاپ وتىر. بۇعان دەيٸن ەنشٸ بۇل كەش ساحناداعى سوڭعى كونتسەرتٸ بولۋى مٷمكٸن ەكەنٸن ايتقان.
