Tanymal ánshi ári ustaz Naǵima Esqalieva áriptesi Roza Rymbaevanyń sahnadan ketýi múmkin degen sózine qatysty pikir bildirdi, dep habarlaidy dalanews.kz.
Jýrnalist Timýr Balymbetov suhbat barysynda odan Roza Rymbaevanyń sońǵy ýaqytta sahnamen qoshtasý týraly jii aitýynyń sebebin suraǵan.
Naǵima Esqalievanyń pikirinshe, Roza Rymbaeva sahnadan birjola kete almaidy.
"Jyndy ma ol? Ol qaida ketpekshi? Pýgachevanyń ózi júz ret ketip, júz ret kelgen. Ol nemeresimen uzaqqa otyra almaidy. Ol sahnasyz ómir súre almaidy. Bul – onyń ómiri", – dedi ánshi.
Sondai-aq Naǵima Esqalieva Roza Rymbaevany birneshe ret ustazdyq etýge shaqyrǵanyn aitty.
"Men ony qanshama márte ustazdyq etýge shaqyrǵam. Biraq ol kelispedi. Ol bizdiń akademiiada ustazdyq etse, biraz stýdenttiń baǵyn ashar edi. Óte keremet pedagog bolatyn edi", – dedi ol.
Aita keteiik, Roza Rymbaeva ónerdegi 50 jyldyǵyna orai úlken kontsert ótkizýdi josparlap otyr. Buǵan deiin ánshi bul kesh sahnadaǵy sońǵy kontserti bolýy múmkin ekenin aitqan.
