كٶلٸك مينيسترٸ مارات قاراباەۆ پرەزيدەنتتەن سٶگٸس العانىن قالاي قابىلداعانىن ايتتى, دەپ حابارلايدى Dalanews.kz.
مينيستردٸڭ پٸكٸرٸ
سەنات دەلٸزٸندە مارات قاراباەۆ ساياسي مەملەكەتتٸك قىزمەتكەر ەكەنٸن جەنە مەملەكەت باسشىسىنىڭ شەشٸمدەرٸن تالقىلاۋعا قۇقىعى جوق ەكەنٸن مەلٸمدەدٸ.
"پرەزيدەنت الدىمىزعا قويعان تاپسىرمالاردى ۋاقتىلى جەنە ساپالى ورىنداۋ ٷشٸن بەرٸمٸز بٸرگە جۇمىس ٸستەيمٸز. مەملەكەتتٸك ورگاننىڭ بٸرٸنشٸ باسشىسى رەتٸندە ٶزٸمە كٶرسەتٸلگەن سەنٸمدٸ اقتاۋ ٷشٸن بار كٷشٸمدٸ سالامىن", - دەپ جاۋاپ بەردٸ قاراباەۆ.
بۇعان دەيٸنگٸ جاعداي
ايتا كەتەيٸك, 14 مامىردا پرەزيدەنت قاسىم-جومارت توقاەۆتىڭ تٶراعالىعىمەن قازاقستان رەسپۋبليكاسى قاۋٸپسٸزدٸك كەڭەسٸنٸڭ كٶلٸك-لوگيستيكا سالاسىن دامىتۋ مەسەلەلەرٸ جٶنٸندەگٸ وتىرىسى ٶتتٸ. كٶلٸك مينيسترٸ مارات قاراباەۆتىڭ جەنە بٸرقاتار ورتالىق مەملەكەتتٸك ورگاندار باسشىلارىنىڭ باياندامالارى تىڭدالدى.
مەملەكەت باسشىسى كٶلٸك سالاسىنداعى احۋالدى سىنعا الدى. قوردالانعان پروبلەمالار مەن بەلگٸلەنگەن مەجەلەردٸڭ ورىندالماۋى جاڭعىرتۋ جۇمىستارىن جٷرگٸزۋگە كەدەرگٸ كەلتٸرٸپ وتىرعانىن ايتتى.
جيىن سوڭىندا پرەزيدەنت مينيستر مارات قاراباەۆقا جۇمىس بارىسىندا جٸبەرگەن كەمشٸلٸكتەرٸ ٷشٸن سٶگٸس جارييالادى.
مەملەكەت باسشىسى كٶلٸك-لوگيستيكا سالاسىنداعى پروبلەمالاردى شەشۋگە قاتىستى ناقتى شارالار قابىلداۋدى تاپسىردى.
