كٶلٸك مينيسترٸ مارات قاراباەۆ "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جولاۋشىلاردى اۆتوموبيلمەن تاسىمالداۋ سالاسىنداعى كەيبٸر مەملەكەتتٸك فۋنكتسييالاردى مٸندەتتٸ مٷشەلٸككە (قاتىسۋعا) نەگٸزدەلگەن ٶزٸن-ٶزٸ رەتتەۋگە بەرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسى جٶنٸندە بايانداما جاسادى.
دەپۋتات رينات زايىتوۆ بايانداما جاساعان مينيسترگە تٶتەسٸنەن سۇراق قويدى, - دەپ حابارلايدى Dalanews.kz.
دەپۋتات زايىتوۆ مينيسترگە بٸرقاتار ساۋال جولداپ, تاكسيستەر دٷرلٸكسە, مەسەلە قالاي رەتتەلەتٸنٸن سۇرادى.
"ٷكٸمەتتٸڭ مٷشەلەرٸنٸڭ باستاماشىلىعىمەن مەجٸلٸسكە كەلگەلٸ بٸردە-بٸر زاڭنىڭ حالىققا پايداسى تيٸپ, جۇمىس ٸستەپ جاتقانىن كٶرگەن جوقپىن. بەلكٸم, كٶرمەي جٷرگەن شىعارمىن, ونى بەتٸمە كەلٸپ ايتىڭىزدار. قۇرمەتتٸ مارات كەرٸمجانۇلى, بٸزدە كەسٸپكەرلەردٸڭ مٷددەسٸن قورعايدى دەگەن بٸر ەمەس, ەكٸ پالاتا بار. جول تاسىمالى دەگەن كٸشٸ كەسٸپكەرلٸك قوي. نەگە سولار باسقارا سالمايدى?! ەيتەۋٸر بەرٸنە بٸر-بٸر قوجايىن تاۋىپ بەرەمٸز. سوندىقتان سٸزگە سۇراق: وسىنشاما تاكسيستەردٸ ەندٸ وتارلاۋدىڭ قاجەتٸ قانشا?! ەكٸنشٸ سۇراعىم: بۇلار ٶزٸ - شۋلى قاۋىم, ەرتەڭ دٷرلٸگەتٸن بولسا, تاكسيمەن جيٸ جٷرەتٸن ادام بولعاننان كەيٸن كٸم كٶرٸنگەننەن جامان سٶز ەستٸگٸمٸز كەلمەيدٸ. دٷرلٸگەتٸن بولسا, جاۋاپكەرشٸلٸكتٸ ٶزٸڭٸز موينىڭىزعا الاسىز با?" - دەدٸ زايىتوۆ.
مينيستر بۇل مەسەلەدە بٸرٸنشٸ كەزەكتە ٶزٸنە جاۋاپكەرشٸلٸك الاتىنىن جەتكٸزدٸ.
"مەملەكەتتٸك ورگاننىڭ بٸرٸنشٸ باسشىسى رەتٸندە جاۋاپكەرشٸلٸكتٸ موينىما الامىن. بٸرٸنشٸ سۇراعىڭىز بويىنشا, تاكسيدٸ بٸز دە بٸرنەشە رەت جينادىق. مينيسترلٸكتە دە, جەكە دە جينادىق. شىنى كەرەك, الپاۋىت ينتەرنەت اگرەگاتتاردىڭ قاسىندا ولاردىڭ قۇقىعىن قورعايتىن ەشكٸم قالمادى. سوندىقتان ەكەۋٸ بٸر ٶزٸن-ٶزٸ رەتتەيتٸن ۇيىمعا مٷشە بولعان سوڭ, ولاردىڭ قابىلداعان قاعيداسىندا ەڭ الدىمەن بٸزدٸڭ قاراپايىم جٷرگٸزۋشٸلەر ٶزدەرٸنٸڭ قۇقىقتارىن قورعايتىن تالاپتاردى قويا الادى جەنە سونى تالاپ ەتە الادى. سوندىقتان ٶزٸن-ٶزٸ باسقارۋ - رەتتەۋ ۇيىمى قازاقستاننىڭ قاراپايىم جٷرگٸزۋشٸلەرٸنٸڭ مٷددەسٸن قورعاۋعا باعىتتالعان", - دەپ جاۋاپ بەردٸ مينيستر.
