ميللياردەردٸڭ ۇلىنا جازعان حاتى
ساعان بۇل حاتتى جازۋىما 3 نەرسە سەبەپ بولدى:
- تاعدىردى بولجاپ بولمايدى, ەشكٸم دە ٶزٸنٸڭ قانشا ٶمٸر سٷرەتٸنٸن بٸلمەيدٸ, سوندىقتان كەي نەرسەلەردٸ ەرتەرەك ايتقان دۇرىس.
- مەن سەنٸڭ ەكەڭمٸن, مۇنداي اقىل كەڭەستٸ ساعان مەن ايتپاعاندا كٸم ايتادى.
- ساعان ايتاتىندارىمنىڭ بارلىعى مەنٸڭ ٶمٸر جولىمدا كەزدەسكەن كەدەرگٸلەردەن العان ساباقتارىم, سوندىقتان وسى سەتسٸزدٸكتەرٸمدٸ قايتالاماۋىڭ ٷشٸن پايداسى بولار دەپ سانادىم.
1) سەنٸ جاقتىرماعان, ساعان ناشار كٶزقاراسپەن قاراعان ادامدارعا ەشقاشان رەنجٸمە, ٶيتكەنٸ شەشەڭ ەكەۋٸمٸزدەن باسقا ەشكٸم دە ساعان بورىشتار ەمەس. ەگەر دە بٸرەۋ ساعان قامقورلىق تانىتار بولسا ونى قادٸرلەي بٸل.
2) ٶمٸرٸڭدە كەزدەسكەن كەز كەلگەن ادامدى نەمەسە باعالى زاتتى, باسقا ەشكٸم, ەشنەرسە ونىڭ ورنىن باسا المايدى دەپ قاراما, وسى كٶزقاراستا مىقتى بولساڭ بولاشاقتا اسىلىڭنان ايىرىلىپ قالساڭ دا سابىرلى بولا الاسىڭ.
3) ٶمٸر ٶتە قىسقا, دەل قازٸر ۋاقىتىڭدى بوسقا ٶتكٸزٸپ جٷرگەنٸڭدٸ دەم-تۇزىڭ تاۋسىلا باستاعاندا بٸلەسٸڭ, ٶمٸردٸ قانشالىقتى ەرتەرەك قاستەرلەي باستاساڭ ٶمٸردەن الاتىن لززاتىڭ دا سونشالىق كٶپ بولادى. ۇزاق ٶمٸر سٷرۋدٸ ارمانداعاننان گٶرٸ ۋاقىتتى ٷنەمدەي بٸلگەن دۇرىس.
4) ماحاببات دەگەن بٸر تٷرلٸ سەزٸم عانا, بۇل سەزٸم ۋاقىتتىڭ ٶتۋٸمەن, جاساعان ورتاڭنىڭ اۋىسۋىمەن بٸرگە ٶزگەرٸپ وتىرادى. ەگەر كٷندەردٸڭ بٸرٸندە سٷيگەنٸڭنەن ايىرىلىپ قالساڭ سابىرلىلىقپەن كٷت, ۋاقىتتىڭ ٶزٸ بارلىعىن ۇمىتتىرادى, كٶڭٸلٸڭ دە ساباسىنا تٷسەدٸ. ماحابباتتان بال جۇتام دەپ ٶلەرمەندەنە بەرٸلٸپ تە كەتپە, ماحابباتتان كەلەتٸن قايعىدان قابىرعاڭ قايىسىپ شٶگٸپ تە كەتپە.
5) كٶپتەگەن تابىسقا جەتكەن كەسٸپكەرلەردٸڭ بٸلٸمٸ ورتاشا بولعان, بٸراق بۇل قۇلشىنا ٷيرەنبەگەن ادام دا تابىسقا جەتە الادى دەگەندٸك ەمەس. ەسٸڭدە بولسىن بٸلٸمٸڭ ەشكٸم سەننەن تارتىپ الا المايتىن ەڭ مىقتى قارۋىڭ. ادام بٸلٸمسٸز دە كەسٸپ جاراتا الادى, بٸراق بٸلٸمسٸز بەرٸبٸر دە ونى دامىتا المايدى.
6) قالعان ٶمٸرٸمدە مەن ساعان مەنٸ باق دەپ تالاپ قويمايمىن, دەل سول سيياقتى سەن كەمەلەتتٸك جاسقا جەتكەن سوڭ مەنٸڭ دە جاۋاپكەرشٸلٸگٸم اياقتالادى. ٶمٸر بويى قوعامدىق كٶلٸكپەن جٷرەسٸڭ بە ەلدە مەرسەدەس مٸنەسٸڭ بە, قارا كٶجە ٸشەسٸڭ بە ەلدە ماي شاينايسىڭ با, ول ٶز قولىڭدا.
7) ٶزٸڭ ۋادەگە بەرٸك بول, بٸراق باسقالارعا بۇل تالاپتى قويا المايسىڭ. باسقالارعا ٷنەمٸ ٸلتيپاتپەن قارا, بٸراق باسقالارعا دا ٶزٸڭە جاقسى كٶزبەن قارا دەپ تالاپ قويا المايسىڭ. سەن ولارعا قالاي قاراساڭ ولار دا ساعان سولاي قاراي بەرمەيدٸ. ەگەر وسى اقيقاتتى جەتە تٷسٸنە الماساڭ ٶمٸردە باسى ارتىق كەلەڭسٸزدٸكتەرگە ۇشىراي بەرەسٸڭ.
8) مەن 26 جىل بويى لوتەرەيا بيلەتٸن ساتىپ الىپ كەلەمٸن, ەلٸ بٸر دە بٸر رەت ۇتقان جوقپىن, تٸپتٸ 3 دەرەجەلٸ ۇتىسقا دا جەتكەم جوق. بۇل دەگەنٸمٸز ادام تابىسقا جەتۋ ٷشٸن قۇلشىنا ٷيرەنٸپ, تىنباي ەڭبەك ەتۋ كەرەكتٸگٸنٸڭ دەلەلٸ, مىنا ەلەمدە اقى المايتىن اسحانا جوق.
9) ٶمٸر بٸر اق رەت بەرٸلەدٸ, سوندىقتان دا ەت جاقىن تۋىسقاندارىڭدى, جاناشىر جاقىندارىڭدى قادٸرلەي بٸل, ەكەۋٸمٸز دە مەڭگٸ بٸرگە بولا المايمىز, قارا كٶز جۇمىلعان سوڭ ەشقاشان قاۋىشا المايمىز.
بۇل حاتتى وقىپ بٸتكەن كەزدە سەندە ەكٸ تاڭداۋ بولادى:
- بٸرٸنشٸسٸ, سەن مۇنى ودان ارى دامىتىپ, ٶزٸڭە مەڭگٸ ازىق بولاتىن رۋحاني كٶمەكشٸ ەتٸپ ساقتايسىڭ.
- ەكٸنشٸسٸ, ەشتەڭە وقىماعان كٶرمەگەندەي بولىپ بۇرىنعى ٶمٸرٸڭدٸ جالعاستىراسىڭ".
اۋدارعان سەرجان قاسەن.
دەرەككٶزٸ: mazhab.kz
