Science جۋرنالى مۇحيتقا جىل سايىن ميلليونداعان توننا پلاستيك قالدىقتار تاستالىناتىنىن انىقتادى. عالىمدار 2010 جىلدان بەرى كوك تەڭىزدىڭ جاعالاۋىندا تۇراتىن ەلدەر وعان 12 ملن. توننا قوقىس تاستاعانىن انىقتاعان. ونىڭ باسىم بولىگى پلاستيك بۇيىمدار.  

ءدال وسىنداي زەرتتەۋ 1945 جىلى جۇرگىزىلگەن ەدى. سول كەزدە عالىمدار الەمدىك مۇحيتتا دۇنيەجۇزىندە وندىرىلگەن پلاستماسسانىڭ 0،1 پايىزى قالقىپ جۇرگەنىن ايتىپ، دابىل قاققان ەدى. ال ءقازىر ونىڭ كولەمى ءجۇز ەسەگە وسكەن. زەرتتەۋشىلەر جاعالاۋدى مەكەن ەتكەن 192 ەلدىڭ ازاماتتارى مۇحيتقا لاقتىرعان پلاستماسسا بۇيىمدارى دۇنيەجۇزىندە وندىرىلگەن پلاستماسسانىڭ 4،5 پايىزىن قۇراعانىن العا تارتتى. بۇگىندە مۇحيتقا ءتۇرلى قوقىس تاستاۋدان جۇڭگو مەن يندونەزيا توپ باستاپ كەلەدى. عالىمدار سۋعا سالسا باتپايتىن پلاستماسسا بۇيىمداردىڭ تەڭىز فلوراسىنا ايتارلىقتاي زيانىن تيگىزىپ جاتقانىن ايتۋدا. ەگەر الەم حالقى تەڭىزگە قوقىس لاقتىرۋىن قويماسا ۇلكەن ەكولوگيالىق ماسەلەمەن بەتپە-بەت كەلۋىمىز مۇمكىن. سوندىقتان قازىردەن باستاپ ويلانعان ءجون. قوقىستى لاقتىرماي تۇرىپ...