قازاقستاننىڭ حالىق جازۋشىسى، ەڭبەك ەرى مۇحتار شاحانوۆتىڭ سوڭعى اماناتى ورىندالاتىن بولدى، دەپ حابارلايدى Dalanews.kz.
بۇل تۋراسىندا اقىننىڭ نەمەرەسى قايىرحان بالعابەكوۆ جەلىدەگى پاراقشاسىندا جازدى.
"اللاعا سانسىز شۇكىر، اتامنىڭ سوڭعى اماناتى ورىندالاتىن بولدى. اتامىز وتىراردا جەرلەنەتىن بولدى"، - دەدى ول.
ەسكە سالايىق، بۇعان دەيىن مۇحتار شاحانوۆتىڭ سوڭعى اماناتى جازىلعان حات تاراعان بولاتىن. مۇحتار شاحانوۆتىڭ كوزى ءتىرى كەزىندەگى سوڭعى اماناتى وتىراردا، ارىستان باب كەسەنەسى ماڭىنا جەرلەۋ بولعان.
ايگىلى اقىن 20 ساۋىرگە قاراعان ءتۇنى 84 جاسىنا قاراعان شاعىندا ومىردەن ءوتتى.
