ۇلت رۋحانيياتىنىڭ الىبى, قازاق ەدەبيەتٸنٸڭ كلاسسيگٸ مۇحتار ەۋەزوۆ بەينەلەنگەن سيرەك فوتوسۋرەت تابىلدى. كٶپشٸلٸككە بۇرىن بەيمەلٸم بولىپ كەلگەن بۇل تاريحي كادردا قالامگەردٸڭ قازاقتىڭ ۇلتتىق زيياتكەرلٸك ويىنى — توعىزقۇمالاق ويناپ وتىرعان سەتٸ كٶرٸنٸس تاپقان, دەپ حابارلايدى dalanews.kz.
بۇل فوتو تەك بٸر تۇلعانىڭ بەينەسٸ عانا ەمەس, قازاق مەدەنيەتٸ مەن ۇلتتىق مۇراسىنىڭ تەرەڭ بايلانىسىن ايعاقتايتىن قۇندى دەرەك. سۋرەتتەن مۇحتار ەۋەزوۆتٸڭ ۇلتتىق ٶنەر مەن دەستٷرگە دەگەن جاقىندىعىن, حالقىمىزدىڭ ينتەللەكتۋالدىق قۇندىلىقتارىنا دەگەن قۇرمەتٸن اڭعارۋعا بولادى.
دٷنيەجٷزٸلٸك توعىزقۇمالاق فەدەراتسيياسىنىڭ پرەزيدەنتٸ, قوعام جەنە مەملەكەت قايراتكەرٸ ەليحان بايمەنوۆتٸڭ ايتۋىنشا, فوتوسۋرەت 1950 جىلى تٷسٸرٸلگەن. قازٸرگٸ تاڭدا سۋرەتتٸڭ تٷپنۇسقاسى مەن تٷسٸرٸلگەن ورنىنا قاتىستى زەرتتەۋ جۇمىستارى جٷرگٸزٸلٸپ جاتىر.
“بۇل جاڭالىقتىڭ ماڭىزى توعىزقۇمالاق ەلەمٸ ٷشٸن دە, تۇلعالاردىڭ بويىنداعى مەدەني ساباقتاستىقتى قالىپتاستىرۋ ٷشٸن دە, ەۋەزوۆتانۋ ەلەمٸ ٷشٸن دە, جالپى زەرتتەۋلەر ٷشٸن دە ٶتە ماڭىزدى. ەرينە بٸز مۇحتار ەۋەزوۆتٸڭ توعىزقۇمالاق وينىن قايتا جانداندىرۋعا قوسقان ٷلەسٸن بٸلەتٸنبٸز. كەڭەستٸك يدەولوگييا قىسىمىمەن, جالپى ۇلتتىق رۋحانييات, سونىڭ ٸشٸندە توعىزقۇمالاق جوعالىپ كەتەر تۇستا مۇحتار ومارحانۇلى مەن قاليبەك قۋانىشباەۆ باستاپ, ويىننىڭ ەرەجەلەرٸن قايتا جاڭعىرتىپ, جارىستار ٶتكٸزگەن. ەندٸ وسىنىڭ بەينە دەلەلٸ تابىلىپ وتىر. بۇعان دەيٸن قۇجاتتاردان بٸلدٸك تە, بٸز ايتىپ وتىرعان سۋرەتٸ بولماپ ەدٸ”,– دەيدٸ ەليحان بايمەنوۆ.
ويىنشىلاردىڭ اتى بەينەلەنگەن فوتوسۋرەتتە مۇحتار ەۋەزوۆ, ونىڭ توعىزقۇمالاقتاعى قارسىلاس ويىنشىسى جەنە تٷرەگەلٸپ تۇرعان باقىلاۋشى مەن توعىزقۇمالاق تاقتاسى بەينەلەنگەن. ويىن بارىسىندا تاراپتاردىڭ ويلانىپ وتىرعان سەتتەگٸ فوتوبەينەنٸڭ استىنا “1950 جىل” دەپ بەلگٸ قويىلعان.
“بۇل فوتوسۋرەت ٷشٸن “الماتىكٸتاپ” باسپاسىنىڭ قىزمەتكەرلەرٸنە العىس ايتامىز. سونداعى توعىزقۇمالاق جاناشىرلارى وسى بەينەسۋرەتتٸ تاۋىپ, قازاقستان توعىزقۇمالاق سپورتى فەدەراتسيياسىنىڭ ۆيتسە-پرەزيدەنتٸ, Binom مەكتەپتەر جەلٸسٸنٸڭ باسشىسى شولپان قادىروۆاعا حابارلاسىپ, سٷيٸنشٸلەگەن. مۇنىڭ بٸزدٸڭ قولىمىزعا تيگەنٸنە ەكٸ-ٷش كٷن عانا بولدى”,– دەيدٸ دٷنيەجٷزٸلٸك توعىزقۇمالاق فەدەراتسيياسىنىڭ پرەزيدەنتٸ ەليحان بايمەنوۆ.
جەتٸسۋ وبلىسىنىڭ ورتالىعى تالدىقورعان قالاسىندا توعىزقۇمالاق ارداگەرلەرٸ اراسىندا رەسپۋبليكالىق تۋرنير ٶتٸپ جاتىر. ەلٸمٸزدٸڭ بارلىق ٶڭٸرٸنەن جٷزدەگەن توعىزقۇمالاق قايراتكەرلەرٸ مەن ارداگەرلەرٸ جينالعان شارانىڭ اشىلۋ سالتاناتىندا بەلگٸلٸ سپورت جۋرناليسٸ, الماتى وبلىسىنىڭ قۇرمەتتٸ ازاماتى, تەۋەلسٸز قازاقستان توعىزقۇمالاق سپورتى فەدەراتسيياسىنىڭ تۇڭعىش پرەزيدەنتٸ, بيىل 75 جاس مەرەيتويىن اتاپ ٶتٸپ جاتقان نەسٸپ جٷنٸسبايۇلىنا وسى فوتوسۋرەت ەستەلٸك رەتٸندە سىيعا بەرٸلدٸ.
توعىزقۇمالاق — حالقىمىزدىڭ عاسىرلار بويى جالعاسقان زيياتكەرلٸك مۇراسى. ال ونى مۇحتار ەۋەزوۆ سەكٸلدٸ ۇلى تۇلعانىڭ ويناپ وتىرعان سەتٸ ۇلتتىق تاريحىمىز ٷشٸن ەرەكشە جاڭالىق. الداعى ۋاقىتتا فوتوسۋرەتكە قاتىستى تىڭ مەلٸمەتتەر مەن زەرتتەۋ نەتيجەلەرٸ جارييالاناتىن بولادى.
