«اسىل ارنا» تەلەارناسىنىڭ ديرەكتورى مۇحامەتجان تازابەكوۆ قمدب جانىنداعى عۇلامالار كەڭەسىنىڭ وتىرىسىنا كەلىپ، تىرنەكتەپ جيناعان كونتەنتتىك ءارحيۆىن «حالىق ارناعا» تولىق تاپسىراتىنىن ايتتى. مۇحامەتجانعا وسىنداي كەمەڭگەرلىك كورسەتكەنى ءۇشىن ءدان ريزامىز»، - دەيدى قمدب ءتوراعاسىنىڭ ورىنباسارى ەرشات وڭعاروۆ.
سونداي-اق، «حالىق ارنا» تەلەارناسىنىڭ باس ديرەكتورى نۇرجان دارقۇلوۆ ارنادان قانداي باعدارلامالار كورسەتىلەتىنى تۋرالى ايتتى. «بۇل قمدب-نىڭ ارناسى بولعاندىقتان، نەگىزگى باسىمدىلىق ءدىني-اعارتۋشىلىق باعىتقا جۇمسالادى. سونىمەن قاتار، ءداستۇر قۇندىلىقتارىن، تاريح، مادەنيەت، ءدىن مەن ءداستۇر ساباقتاسقان، قابىسقان مازمۇنداعى باعدارلامالار بولادى.
بۇل ارنادان ۇلت اسپاپتار وركەستىرىنىڭ كونسەرتتەرى، رۋحاني كەشتەر دە كورسەتىلەدى. بۇل - ءدىني، مادەني، رۋحاني، تاريحي باعىتتاعى ارنا دەۋگە بولادى»، - دەيدى نۇرجان تالاس ۇلى. ەسكە سالا كەتسەك، بۇعان دەيىن يمامدار فورۋمىندا قمدب قىزمەتىنە جاڭا سەرپىن بەرەتىن تۇجىرىمدالىق قۇجاتتار قابىلدانعانى تۋرالى جازدىق.
