بايگەنىڭ ماقساتى: اتاجۇرتقا تابان تىرەپ، الەمنىڭ وزگە مەملەكەتتەرىنەن كەلگەن قانداستارىمىزدىڭ رۋحاني جان دۇنيەسىن جالپى قازاق دالاسىنا پاش ەتۋ. ۇلتىمىزدىڭ كيەلى ادەبي قازىناسىنا تاۋەلسىز ەلدىڭ پوەزيالىق تىڭ تۋىندىلارى مەن جىر جاۋھارلارىن قوسۋ، جاڭا زاماننىڭ ءۇنىن حالىققا جەتكىزۋ. جاس ۇرپاق بويىندا وتانعا، تۋعان جەرگە، تۋعان تاريحقا دەگەن سۇيىسپەنشىلىكتى ارتتىرىپ، پاتريوتتىق رۋحتى كوتەرمەلەۋ.
بايگە قورى: باس جۇلدە – 300 مىڭ تەڭگە. 1 ورىن – 200 مىڭ تەڭگە، ى-دارەجەلى ديپلوم. 2 ورىن – 100 مىڭ تەڭگە، ىى-دارەجەلى ديپلوم. 3 ورىن – 75 مىڭ تەڭگە، ىىى-دارەجەلى ديپلوم. 2 ىنتالاندىرۋ سىيلىعى – 50 مىڭ تەڭگەدەن.
شىعارمالار 2015 جىلدىڭ 10 ناۋرىزىنا دەيىن قابىلدانىپ، 14 ناۋرىز كۇنى ءو.جولداسبەكوۆ اتىنداعى ستۋدەنتتەر سارايىندا ەل الدىندا ماراپاتپەن تاپسىرىلادى.
بايگەگە ۇسىنىلاتىن شىعارمالار مىنا ەلەكتروندىق ادرەسكە جولدانۋى ءتيىس: muza.kz_2015@mail.ru جانە بايلانىس تەلەفوندارى: 8 701 843 66 76، 8 705 131 02 22.
بايگەنىڭ شارتتارى: قاتىسۋشى اقىننىڭ جاس مولشەرى 40-تان اسپاۋى كەرەك. اۆتوردىڭ قىسقاشا ءومىر-بايانى، مەكەن-جايى مەن بايلانىس تەلەفونى. ۇسىنىلاتىن تاقىرىپتار ۇشەۋ: «قازاق حاندىعىنىڭ 550 جىلدىعى»، «اتاجۇرتقا ورالعان اعايىننىڭ وتانعا دەگەن ساعىنىشى مەن ماحابباتى، تۋعان جەردى جىرلاۋ» جانە «ەركىن تاقىرىپ».
شىعارمالار (ا-4 فورماتتا) 14-كەگەلمەن (ارالىق – 1) تەرىلىپ، 6 بەتتەن اسپاۋى ءتيىس. ءار تاقىرىپقا ءبىر ولەڭ.
