بۇگىن تالدىقورعان قالاسىنىڭ تۇرعىندارى مەن قالا قوناقتارى م.تىنىشپايەۆ اتىنداعى وبلىستىق تاريحي-ولكەتانۋ مۋزەيىن باسقا قىرىنان كورۋگە مۇمكىندىك الدى. حالىقارالىق مۋزەي كۇنىنە ورايلاستىرىلعان «مۇراجايداعى ءتۇن» شاراسىندا مۋزەي قىزمەتشىلەرى ساق پاتشاسى توميريس، قابانباي باتىر، قازاق ادەبيەتىنىڭ كلاسسيگى ءىلياس جانسۇگىروۆ جانە تاعى تۇلعالاردىڭ كەيپىنە ەنىپ، ءتۇرلى كورسەتىلىمدەر قويىپ، مۋزەي قوناقتارىمەن سۋرەتكە ءتۇستى. اتالمىش شارانىڭ قىزىقتى قويىلىمدارىن تاماشالاپ، مۋزەي قىزمەتشىلەرىن كاسىبي مەرەكەلەرىمەن قۇتتىقتاۋ ماقساتىندا وبلىس اكىمىنىڭ ورىنباسارى جاقسىلىق ومار ارنايى باردى، - دەپ حابارلايدى الماتى وبلىسى اكىمىنىڭ باسپا ءسوز قىزمەتى.

جاقسىلىق مۇقاش ۇلى شارانىڭ اشىلۋ سالتاناتىندا:

– «مۋزەيدەگى ءتۇن» شاراسى – مۋزەيگە كەلۋشىلەردىڭ سانىن ارتتىرۋعا نەگىزدەلگەن مادەني شارا. مۋزەي تاريحتى، اتا-بابالارىمىزدىڭ ۇلى مۇراسىن ساقتاپ، جاسوسپىرىمدەردىڭ تاربيەسىنە وڭ ىقپالىن تيگىزەدى. بۇگىنگى كۇنى الماتى وبلىسىندا 22 مۋزەي جۇمىس ىستەۋدە، مەملەكەتقولداۋىنىڭ ارقاسىندا وبلىستامادەني مۇرالاردىڭ ساقتالۋىنا ايرىقشا كوڭىل بولىنەدى. مۋزەيگە كەلۋشىلەردى قىزىقتىراتىن باعدارلامالار ازىرلەۋدە مۋزەي قىزمەتكەرلەرى دە ۇلكەن ۇلەستەرىن قوسۋدا. وسى ءساتتى پايدالانا وتىرىپ، بارشاڭىزدى وبلىس اكىمىنىڭ اتىنان حالىقارالىق مۋزەيلەر كۇنىمەن قۇتتىقتاپ، سىزدەرگە شىعارماشىلىق تابىس، مۋزەيلەرىڭىزدىڭ ىرگەسى كەڭەيىپ، دامۋىن تىلەيمىن، – دەگەن تىلەگىن ءبىلدىردى.

مەرەكەلىك باعدارلاماعا سايكەس كەلۋشىلەر نازارىنااسكەري وركەستردىڭ سۇيەمەلدەۋىمەن «ءار زامانداعى قارۋ-جاراقتار» كورمەسى ۇسىنىلدى. وندا الماتى وبلىسى ىىد-گە ۋاقىتشا پايدالانۋعا بەرىلگەن قارۋلار توپتاماسى قويىلعان.

«ارحەولوگيا» زالىندا وبلىستىق ب.ريموۆا اتىنداعى دراما تەاتر ارتىستەرىنىڭ ورىنداۋىندا «ءتوميريستىڭ كير پاتشانى جەڭۋى» اتتى تەاترلاندىرىلعان ساحنالىق كورىنىس قويىلدى. ال «ورتاعاسىرلىق قالالار تاريحى» اتتى ەكسپوزيسيالىق كەشەندەەسىك مۋزەيىنەن اكەلىنگەن كونە ارتەفاكتىلەر قويىلىپ، ساز بالشىق پەن قىشتان جاسالعان ىدىس-اياقتار مەن ءتۇرلى بۇيىمدارجاساۋدىڭ شەبەرلىك ساعاتتارىكورسەتىلدى.

سونىمەن قاتار بۇگىنگى كۇننىڭ جەتىستىكتەرىنە دە كوڭىل ءبولىنىپ، ارنايى جاساقتالعان «تاۋەلسىزدىك» زالىندا «ەكسپو-نىڭ تۋىنداۋ تاريحى» اتتى ەكسپوزيسياسى كوپشىلىك نازارىنا ۇسىنىلدى.الدىن الا الەۋمەتتىك جەلىلەردە وتكىزىلگەن بايقاۋلاردىڭ قورىتىندىسى بويىنشا جەڭىمپازدارعا حالىقارالىق «ەكسپو-2017» كورمەسىنىڭ بيلەتتەرى تابىستالدى.«ەكسپوناتتار سارىنى» شاراسى اياسىندا مۋزەيدە «قوبىز سارىنى» ءانسامبلىنىڭ ورىنداۋىنداعى كۇيلەر مەن م.تولەبايەۆتىڭ مۋزىكالىق شىعارمالارى ورىندالدى.

 

«مۇراجايلار ءتۇنى» وبلىستىق ءى.جانسۇگىروۆتىڭادەبي مۋزەيىندە دە  ءوتتى. مۇندا تۇڭعىش رەت بىرەگەي ەكسپونات سانالاتىن اقىننىڭ ءتولقۇجاتى ۇسىنىلدى.

سونداي-اق بۇگىن م.تىنىشپايەۆ اتىنداعى وبلىستىق تاريحي-ولكەتانۋ مۋزەيىنىڭ قورجىنى دا ەرەكشە ەكسپوناتپەن تولىقتى.  ايگىلى كوسموناۆت ايدىن ايىمبەتوۆتىڭ اتاسى مۋزەيگە كوسموناۆتتىڭ عارىشتا كيگەن كيتەلىن ۇسىندى.

ءداستۇرلى «مۇراجايداعى ءتۇن» شاراسى وبلىس ورتالىعىنىڭ تۇرعىندارى مەن قالا قوناقتارىن م.تىنىشپايەۆ اتىنداعى وبلىستىق تاريحي-ولكەتانۋ مۋزەيىنىڭ بارلىق ەكسپوناتتارىمەن تەگىن تانىستىرۋ ءۇشىن 18 مامىر تاڭعى ساعات 10.00-دەن باستاپ، 19 مامىردا تۇنگى 3-كە دەيىن ۇيىمداستىرىلدى.

 

الماتى وبلىسى اكىمىنىڭ باسپا ءسوز قىزمەتى