سوتتى بولعان ەكس-مينيستر ەلجان بٸرتانوۆ "ۋاقىت كٶرسەتەدٸ" سۇحباتىندا قالاي مەملەكەتتٸك قىزمەتكە بارعانىن, سوتتالۋىنا قانداي سەبەپتەر بولعانىن ايتتى, - دەپ حابارلايدى Dalanews.kz.
بٸرتانوۆ ٷش جىل دەنساۋلىق ساقتاۋ مينيسترٸ قىزمەتٸن اتقاردى. ەكس-شەنەۋنٸكتٸڭ سٶزٸنشە, نازارباەۆ تاعايىندار الدىندا شاقىرعان.
"2017 جىلى بٸر ٷلكەن مينيسترلٸكتٸ ەكٸ مينيسترلٸككە بٶلەمٸز" دەپ شەشٸم قابىلدادى. سول كٷنٸ مەنٸ نۇرسۇلتان نازارباەۆ قابىلداۋىنا شاقىردى. "قانداي ويلارىڭ بار?" دەپ سۇرادى. ەلەۋمەتتٸك-مەديتسينالىق ساقتاندىرۋ بويىنشا سۇرادى. 2015-تە "جٷز ناقتى" قادام دەگەن جوسپاردىڭ ٸشٸندە "ساقتاندىرۋ ەنگٸزۋٸمٸز قاجەت" دەگەن. جوسپار بويىنشا 2017 جىلى جازدا ەنگٸزۋٸمٸز قاجەت بولعان. "بٸز دايىن ەمەسپٸز, حالىق تا دايىن ەمەس. تاعى دا ۋاقىت كەرەك" دەپ ايتتىم. ماعان سەنگەن بولۋى مٷمكٸن. سول كٷنٸ تاعايىندادى. ەرٸ قاراي جۇمىس ٸستەدٸك. قازٸر كٶپ ادام "ەسكٸ قازاقستان", "جاڭا قازاقستان" دەپ ايتادى عوي. مەن مەديتسينالىق سالانىڭ مامانى بولعاننان كەيٸن ەڭ ماڭىزدى مەسەلە - دەنساۋلىق ساقتاۋ جٷيەسٸ. ول 30 جىلدا دامۋدان ٶتتٸ: جاقسىلىقتار دا بولدى, جاماندىقتار دا بولدى.
مەن كەسٸبي مامان رەتٸندە ەسكٸ قازاقستان, جاڭا قازاقستان دەپ بٶلمەيمٸن.
مەن بولاشاق قازاقستانعا سەنەمٸن. قازٸر ساياسي جۇمىستان كەتتٸم عوي. ساياساتتا جٷرگەن مەملەكەتتٸك قىزمەت ادامدارىنا ماڭىزدى سۇراق (نازارباەۆتى جامانداپ, قازٸرگٸ جٷيەنٸ ماقتايىندارعا پٸكٸرٸ - ەسك.)", - دەيدٸ بٸرتانوۆ.
2020 جىلى بٸرتانوۆ ۇستالعانى بەلگٸلٸ بولدى. ونىڭ ايتۋىنشا, جىمقىردى دەلٸنگەن اقشانى ٶزدەرٸ الماعان, شەتەلدٸك كومپانييا العان. بۇرىنعى مينيستر ٶزٸنٸڭ ۇستالۋىنا قاتىستى بولجامىن دا ايتتى.
"كٶپ جەمقورلىق اشىلدى. جاقتىرمايتىن ازاماتتار كٶبەيدٸ. تٸكەلەي وسى ادام دەپ ويلامايمىن. قازٸر مٷلدە ويلامايمىن. بولاتىنى بولدى. ...قىلمىس ويدا بولعان جوق. نيەت بولعان جوق. "جەمقور" دەپ تٷرمەگە وتىرعىزدى, سوتتادى. ەرينە, كەلٸسپەيسٸڭ. سوت سونداي شەشٸمدەردٸ قالاي قابىلدايدى? سول تاڭعالاتىنىم. سودان قورقاتىنىم. تاپسىرما بولسا, تازا ادامدى "جەمقور" دەپ سوتتايدى. ٶزٸمٸزدٸڭ زاڭداردى بۇزىپ جاتادى. زاڭدى قوزعايتىن ازاماتتار سونى بۇزادى. سونى توقتاتۋىمىز قاجەت.
"مويىندا, سوندا بەرٸ بٸتەدٸ, ەرتەڭ سوت بولادى, شارتتى مەرزٸم بەرەدٸ" دەدٸ. "ال مويىنداماساڭ, جالعاستىرامىز, ٸس قوزعايمىز" دەدٸ.
"مويىندامايمىن, نەمەنەگە مويىندايمىن?! ٸستەيتٸندەرٸڭٸزدٸ ٸستەڭٸزدەر" دەدٸم. "ەرتەڭ تٷرمەگە اپارامىز" دەپ قورقىتتى. بٸراق, راسىندا, ەكٸ-ٷش كٷننەن كەيٸن جاڭا تەرگەۋشٸ كەلدٸ, تاعى بٸر ٸس قوزعالدى. ول ٸستە دە ەشقانداي قىلمىس بولعان جوق. نەتيجەسٸ جوق", - دەدٸ ەكس-مينيستر.
