Sotty bolǵan eks-ministr Eljan Birtanov "Ýaqyt kórsetedi" suhbatynda qalai memlekettik qyzmetke barǵanyn, sottalýyna qandai sebepter bolǵanyn aitty, - dep habarlaidy Dalanews.kz.
Birtanov úsh jyl densaýlyq saqtaý ministri qyzmetin atqardy. Eks-sheneýniktiń sózinshe, Nazarbaev taǵaiyndar aldynda shaqyrǵan.
"2017 jyly bir úlken ministrlikti eki ministrlikke bólemiz" dep sheshim qabyldady. Sol kúni meni Nursultan Nazarbaev qabyldaýyna shaqyrdy. "Qandai oilaryń bar?" dep surady. Áleýmettik-meditsinalyq saqtandyrý boiynsha surady. 2015-te "Júz naqty" qadam degen jospardyń ishinde "saqtandyrý engizýimiz qajet" degen. Jospar boiynsha 2017 jyly jazda engizýimiz qajet bolǵan. "Biz daiyn emespiz, halyq ta daiyn emes. Taǵy da ýaqyt kerek" dep aittym. Maǵan sengen bolýy múmkin. Sol kúni taǵaiyndady. Ári qarai jumys istedik. Qazir kóp adam "Eski Qazaqstan", "Jańa Qazaqstan" dep aitady ǵoi. Men meditsinalyq salanyń mamany bolǵannan keiin eń mańyzdy másele - densaýlyq saqtaý júiesi. Ol 30 jylda damýdan ótti: jaqsylyqtar da boldy, jamandyqtar da boldy.
Men kásibi maman retinde Eski Qazaqstan, Jańa Qazaqstan dep bólmeimin.
Men bolashaq Qazaqstanǵa senemin. Qazir saiasi jumystan kettim ǵoi. Saiasatta júrgen memlekettik qyzmet adamdaryna mańyzdy suraq (Nazarbaevty jamandap, qazirgi júieni maqtaiyndarǵa pikiri - esk.)", - deidi Birtanov.
2020 jyly Birtanov ustalǵany belgili boldy. Onyń aitýynsha, jymqyrdy delingen aqshany ózderi almaǵan, sheteldik kompaniia alǵan. Burynǵy ministr óziniń ustalýyna qatysty boljamyn da aitty.
"Kóp jemqorlyq ashyldy. Jaqtyrmaityn azamattar kóbeidi. Tikelei osy adam dep oilamaimyn. Qazir múlde oilamaimyn. Bolatyny boldy. ...Qylmys oida bolǵan joq. Niet bolǵan joq. "Jemqor" dep túrmege otyrǵyzdy, sottady. Árine, kelispeisiń. Sot sondai sheshimderdi qalai qabyldaidy? Sol tańǵalatynym. Sodan qorqatynym. Tapsyrma bolsa, taza adamdy "jemqor" dep sottaidy. Ózimizdiń zańdardy buzyp jatady. Zańdy qozǵaityn azamattar sony buzady. Sony toqtatýymyz qajet.
"Moiynda, sonda bári bitedi, erteń sot bolady, shartty merzim beredi" dedi. "Al moiyndamasań, jalǵastyramyz, is qozǵaimyz" dedi.
"Moiyndamaimyn, nemenege moiyndaimyn?! Isteitinderińizdi isteńizder" dedim. "Erteń túrmege aparamyz" dep qorqytty. Biraq, rasynda, eki-úsh kúnnen keiin jańa tergeýshi keldi, taǵy bir is qozǵaldy. Ol iste de eshqandai qylmys bolǵan joq. Nátijesi joq", - dedi eks-ministr.
