مونوقالالاردى دامىتۋ ماسەلەلەرى جونىندەگى كەڭەستە ۇلتتىق ەكونوميكا ۆيسە-مينيسترى باۋىرجان وماربەكوۆ مۇنداي ەلدى مەكەندەردىڭ الەۋمەتتىك-ەكونوميكالىق جاعدايىنا جۇرگىزىلگەن كەشەندى تالداۋ تۋرالى ايتتى، دەپ حابارلايدى Dalanews.kz.
"قازىرگى تاڭدا مينيسترلىك مەملەكەت باسشىسىنىڭ 2024 جىلعى 2 قىركۇيەكتەگى قازاقستان حالقىنا جولداۋىن جۇزەگە اسىرۋ جونىندەگى جالپىۇلتتىق ءىس-شارالار جوسپارىنىڭ 22ء-شى تارماعىن ورىنداۋ شەڭبەرىندە ساران قالاسىنىڭ ەكونوميكاسىن دامىتۋ تاجىريبەسىن باسقا مونوقالالار ەكونوميكاسىن ءارتاراپتاندىرۋ ءۇشىن قولدانۋعا قاتىستى مونوقالالاردى الەۋمەتتىك-ەكونوميكالىق دامىتۋدىڭ 78 كورسەتكىشى نەگىزىندە تالداۋ جۇرگىزدى. سونداي-اق، مونوقالالاردىڭ دامۋ الەۋەتىن ەسەپتەۋ ادىستەمەسى ازىرلەندى. مونوقالالاردىڭ ءاربىر توبى بويىنشا ولاردىڭ الەۋمەتتىك-ەكونوميكالىق دامۋ دەڭگەيىن ەسكەرە وتىرىپ، سارالانعان شارالار ازىرلەندى"، - دەدى ۆيسە-مينيستر.دامۋ دەڭگەيىنە قاراي قالالار ينفراقۇرىلىمدى جاڭعىرتۋ مەن جاڭا ءوندىرىس ورىندارىن ىسكە قوسۋدان باستاپ يندۋستريالىق ايماقتار قۇرۋعا دەيىنگى سارالانعان شارالار قابىلدانادى.
بۇل ءتاسىل مەملەكەتتىڭ رەسۋرستارى مەن كۇش-جىگەرىن تيىمدىرەك پايدالانۋعا مۇمكىندىك بەرەدى.
