موڭعولييادا جانارمايعا سۇرانىس كٷرت ارتۋى جەنە رەسەيدەگٸ وتىن نارىعىنداعى تۇراقسىزدىققا بايلانىستى ەل جانارماي جەتكٸزۋشٸلەر قاتارىن كەڭەيتٸپ جاتىر. ۇلان-باتىر قازاقستان جەنە بەلارۋسپەن كەلٸسسٶز باستادى, دەپ حابارلايدى dalanews.kz.
رەسەي ەلٸ دە موڭعوليياعا جانارماي جەتكٸزەتٸن نەگٸزگٸ ەل بولىپ وتىر. دەگەنمەن موڭعولييا بيلٸگٸ بٸر عانا جەتكٸزۋشٸگە تەۋەلدٸ بولماۋ ٷشٸن قىتاي مەن وڭتٷستٸك كورەيادان دا ساتىپ الۋ كٶلەمٸن ارتتىرىپ جاتىر.
اۆياتسييالىق وتىنعا ەرەكشە كٶڭٸل بٶلٸنٸپ وتىر. موڭعولييا قىتايدان العاش رەت 1 مىڭ توننا اۆياتسييالىق وتىن ساتىپ الدى. ال وڭتٷستٸك كورەيامەن اي سايىن كەمٸندە 50 مىڭ توننا وتىن جەتكٸزۋ تۋرالى كەلٸسٸم جاسالدى. بۇعان جانارمايعا سۇرانىس كٷرت ٶسۋٸ سەبەپ. تۋريستٸك ماۋسىم مەن اۋىل شارۋاشىلىعى جۇمىستارى قىزعان كەزدە ەلدەگٸ وتىن تۇتىنۋ كٶلەمٸ ەكٸ-ٷش ەسە ارتقان. بيلٸك يمپورتتاعى كەز كەلگەن ٸركٸلٸس جانارماي تاپشىلىعىنا ەكەپ سوعۋى مٷمكٸن دەپ الاڭدايدى. سوعان قاراماستان, ۇلان-باتىر رەسەيدەن وتىن الۋدى توقتاتپايدى. 11 تامىزدا موڭعولييا بيلٸگٸ رەسەيمەن تامىزدا جانارماي جەتكٸزۋ كٶلەمٸن ارتتىرۋ تۋرالى كەلٸسٸم جاسالعانىن حابارلادى.
ال قازاقستان مەن موڭعولييا اراسىندا جىلىنا كەمٸندە 1 ميلليون توننا مۇناي ٶنٸمٸن جەتكٸزۋدٸ كٶزدەيتٸن كەلٸسٸم بار. قازٸر تاراپتار ىنتىماقتاستىق اياسىن كەڭەيتۋ مەسەلەسٸن تالقىلاپ جاتىر.
