بوكستان وتكەن وبلىستىق تۋرنيردە سپورت مەكتەبىنىڭ وقۋشىلارى اسحات بەكبوسىن ءىى ورىن، نۇرعيسا ناجيميددين ءىىى ورىندى يەلەنىپ، ماقتالى ولكەنىڭ ابىرويىن اسقاقتاتتى. سونداي-اق، ا.بەكبوسىن تۇركىستان وبلىستىق قۇراما كومانداسىنىڭ ساپىنا قابىلدانىپ، ق ر چەمپيوناتىنىڭ ايماقتىق جارىسىنا قاتىسۋ جولداماسىن جەڭىپ الدى.
جاس بوكسشىلاردى دايىنداعان سپورت مەكتەبىنىڭ جاتتىقتىرۋشىلارى نۇربەك دەمەۋوۆ پەن ەرعالي ەردەشوۆ ەكەنىن ايتا كەتۋ كەرەك. قوس جاتتىقتىرۋشى دا ءوز سالاسىن جەتىك بىلەتىن مامان. ولار الداعى ۋاقىتتا مىرزاكەنتتىڭ جاستارىن چەمپيون دارەجەسىنە دەيىن كوتەرۋگە بار كۇش-جىگەرىن جۇمىسايدى دەسەك بولادى.
مىرزاكەنتتىكتەر باسكەتبولدى دا شەبەر وينايدى. 25-29 قازان كۇندەرى سپورت مەكتەبىنىڭ 2003-2004 جىلعى وقۋشىلارىنان قۇرالعان كوماندا وتىرار اۋدانىندا باسكەتبولدان وتكەن وبلىستىق ءتۋرنيردىڭ چەمپيونى اتاندى. ۇلاعاتتى ۇستاز، بەلگىلى باپكەر ت.راحمەتوۆتىڭ جۇلدەسىنە ارنالعان تۋرنيردە مىرزاكەنت سپورت مەكتەبىنىڭ جاتتىقتىرۋشىلارى م.كاتەشوۆ جانە ن.كاتەشوۆتىڭ وقۋشىلارى وسىلايشا جەڭىستىڭ تۇعىرىنان كورىندى.
ماقتاارال اۋدان اكىمىنىڭ باسپا ءسوز قىزمەتى
