مەتسەناتتار ۇزىناعاشتا جامبىلعا جاڭا ەسكەرتكٸش ورناتتى
الماتى وبلىسى جامبىل اۋدانىنىڭ ورتالىعى ۇزىناعاش اۋىلىندا «رۋحاني جاڭعىرۋ» باعدارلاماسى شەڭبەرٸندە جىرشى, جىراۋ جامبىل جاباەۆتىڭ ەڭسەلٸ ەسكەرتكٸشٸ اشىلدى. ونىڭ سالتاناتتى اشىلۋىنا اۋدان جۇرتشىلىعى مەن ارداگەرلەرٸ قاتىسىپ, وبلىس ەكٸمٸ اماندىق باتالوۆ ارنايى باردى, – دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.
وبلىس ەكٸمٸ ا.باتالوۆ ٶز قۇتتىقتاۋىندا:
– «رۋحاني جاڭعىرۋ» باعدارلاماسى اياسىندا جاستارعا ٷلگٸ بولارلىق ٷلكەن جۇمىستار اتقارىلۋدا. بٷگٸن ۇلى بابامىز, ماقتانىشىمىز جامبىل اقىننىڭ ەڭسەلٸ ەسكەرتكٸشٸ مەتسەناتتاردىڭ قولداۋىمەن, ەسكەربەك اباەۆ اعامىز باستاعان ازاماتتاردىڭ ۇيىتقى بولۋىمەن اشىلدى. وسىنداي ەسكەرتكٸشتٸ ەڭ الدىمەن استانا قالاسىندا, كەيٸن كيەۆتە, بەلگرادتا ورناتتىق. بٷگٸن مٸنە, دەمەۋشٸلەردٸڭ كٶمەگٸمەن جامبىل اۋدانىندا جالعاسىپ وتىر. ەلباسىنىڭ «رۋحاني جاڭعىرۋ» باعدارلاماسى وسىنداي يگٸ ٸستەرگە ٷلكەن سەرپٸن بەردٸ. قاراساي, الاكٶل اۋداندارىندا, تالدىقورعاندا وسى باعىتتا ٸرٸ-ٸرٸ جوبالار قولعا الىنىپ جاتىر. ونىڭ ٸشٸندە دەنەشىنىقتىرۋ جەنە ساۋىقتىرۋ كەشەندەرٸ, وليمپيادالىق ستاندارتپەن سالىناتىن باسسەين, جەڭٸل اتلەتيكا مانەجٸ سيياقتى سپورت نىساندارى بار. مۇنداي باستامالار بارلىق اۋداندا اتقارىلا باستادى. جۋىردا وبلىسقا كەلگەن ساپارىندا ەلباسىمىز ٶڭٸردەگٸ اتقارىلىپ جاتقان ٸستەرگە وڭ باعا بەردٸ. وسى بەرٸلگەن باعادا جامبىل اۋدانى حالقىنىڭ ٷلەسٸ زور دەپ بٸلەمٸن. بٸرلٸگٸمٸز بەكەم بولسىن, بابامىزدىڭ ەسكەرتكٸشٸ قۇتتى بولسىن, – دەدٸ. سونىمەن قاتار وبلىس باسشىسى ٶز سٶزٸندە اۋىلدىڭ جولدارىن جٶندەۋگە, اباتتاندىرۋعا قولداۋ كٶرسەتٸلٸپ وتىرعانىن دا تٸلگە تيەك ەتتٸ.
مۇنان سوڭ «تۋعان جەرگە تاعزىم» قورىنىڭ تٶراعاسى ەسكەربەك اباەۆ سٶز الدى.
– اۋداننىڭ قاستەك اۋدانى بولىپ قۇرىلعانىنا – 90 جىل, جامبىل اتاۋى بەرٸلگەنٸنە 80 جىل تولىپ وتىر. وسى مەرەيلٸ داتاعا وراي اۋدان ورتالىعىنا جامبىل بابا ەسكەرتكٸشٸن ورناتۋ تۋرالى كٶپشٸلٸك باستاما كٶتەرٸپ, اۋداندىق مەسليحات دەپۋتاتتارى ۇسىنىس ايتىپ, بۇل ۇسىنىس وبلىس باسشىسى تاراپىنان قولداۋ تاپتى. سٶيتٸپ, «تۋعان جەرگە تاعزىم» قورى قۇرىلدى. قورعا قارجى جيناقتاپ, وسى ەسكەرتكٸشتٸڭ اشىلۋىنا ۇيىتقى بولعان ازاماتتارعا, قولداۋ بٸلدٸرگەن وبلىس باسشىلىعىنا العىس ايتامىن, – دەدٸ ە.اباەۆ. وسى مازمۇنداس ٸزگٸ تٸلەگٸن تۇڭعىش وليمپيادا چەمپيونى, كەسٸپكەر جاقسىلىق ٷشكەمپٸروۆ تە ارنادى.
قۇتتىقتاۋ تٸلەكتەردەن سوڭ ەسكەرتكٸشتٸڭ جابۋى اشىلىپ, شاشۋ شاشىلىپ, سالتانات اۋدان ٶنەرپازدارىنىڭ كونتسەرتٸنە ۇلاستى.
ەستەرٸڭٸزگە سالار بولساق, اقىننىڭ قولىندا دومبىراسىن ۇستاپ تۇرعان ەڭسەلٸ ەسكەرتكٸشٸنٸڭ اۆتورى – قازبەك جارىلعاپوۆ. قولا مٷسٸن «تۋعان جەرگە تاعزىم» قوعامدىق قورىنىڭ قارجىسىنا تۇرعىزىلعان. «اقىندار مەن باتىرلار ەلٸ» پاركٸمەن بٸرگە تۇتاس كەشەندٸ قۇراپ تۇرعان ەسكەرتكٸش ۇزىناعاشتىڭ كٸرە بەرٸسٸندە ورناتىلعان. بۇل پاركتٸڭ قۇرىلىسىن «ارنايى قۇرىلىس كومپانيياسى» جشس جٷرگٸزٸپ, بۇل جۇمىستارعا قوردىڭ 60,4 ملن تەڭگەگە جۋىق قارجىسى جۇمسالعان.
الماتى وبلىسى ەكٸمٸنٸڭ باسپاسٶز قىزمەتٸ
https://dalanews.kz/31310
