شىمكەنتتە نۇراي سەرٸكبايدىڭ ٶلٸمٸنە قاتىستى قىلمىستىق ٸس بويىنشا سوت پروتسەسٸ جالعاسىپ جاتىر. سوت وتىرىسىندا 11 قاڭتار كٷنٸ وقيعا ورنىندا بولعان كۋەگەر ينديرا بەركٸنباەۆا جاۋاپ بەردٸ, دەپ حابارلايدى dalanews.kz.
ونىڭ ايتۋىنشا, سول كٷنٸ جۇمىستان ٷيٸنە قايتىپ كەلە جاتقاندا ەكٸ ٷيدٸڭ اراسىنان ايقايلاعان داۋىستى ەستٸگەن. داۋىس شىققان جاققا جاقىنداعاندا, كٶلٸكتەردٸڭ اراسىندا جەردە جاتقان قىزدى جەنە وقيعا ورنىنان قاشىپ بارا جاتقان جٸگٸتتٸ كٶرگەن.
«مەن وعان: "نە ٸستەپ جاتىرسىڭ? قازٸر پوليتسييا شاقىرامىن!" دەپ ايقايلادىم. سول كەزدە ول قايتا بۇرىلىپ كەلٸپ, قىزعا تاعى 2-3 رەت پىشاق سۇقتى. مەن ەسەڭگٸرەپ قالدىم, كەيٸن ٷيگە قاراي جٷگٸرٸپ كەتتٸم. مەنٸڭشە, جولدان ٶتٸپ بارا جاتقان ەكٸ-ٷش جٸگٸت پوليتسييا شاقىرعان بولۋى مٷمكٸن», – دەدٸ كۋەگەر سوتتا.
ينديرا بەركٸنباەۆانىڭ سٶزٸنشە, جٸگٸت قايتا ورالىپ سوققى جاساعان كەزدە نۇراي ٷيدٸڭ ماڭىندا شالقاسىنان قوزعالىسسىز جاتقان. ول ەشقانداي دىبىس شىعارماعان جەنە كٶمەك تە سۇراماعان. ادۆوكاتتاردىڭ قاراڭعىدا قارۋدى قالاي كٶرگەنٸ تۋرالى سۇراعىنا كۋەگەر ۇزىن زاتتىڭ سۇلباسى انىق بايقالعانىن ايتتى.
سونداي-اق ول كەيٸن قىزى ەكەۋٸ جەدەل جەردەم كەلگەن كەزدە قايتادان وقيعا ورنىنا بارىپ, ٶزٸنە بەلگٸلٸ بارلىق مەلٸمەتتٸ پوليتسييا قىزمەتكەرلەرٸنە جەتكٸزگەنٸن ايتتى. كۋەگەر سوتتالۋشىنى بۇعان دەيٸن مٷلدە تانىمايتىنىن جەنە قاراڭعى بولعاندىقتان ونىڭ تٷرٸن انىق كٶرٸپ, ەستە ساقتاي الماعانىن جەتكٸزدٸ.
