مەجٸلٸس وتىرىسىندا دەپۋتات رينات زايىتوۆ مينيستر ايدا بالاەۆاعا تٶتەسٸنەن سۇراق قويدى. نەگٸزگٸ مەسەلە ەلٸمٸزدەگٸ بەلدٸ مەدەنيەت وشاقتارىنا قاتىستى, - دەپ حابارلايدى Dalanews.kz.
مەدەنيەت جەنە اقپارات مينيسترٸ ايدا بالاەۆا مەجٸلٸس وتىرسىندا "قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە اقپارات, قوعامدىق دامۋ, مەدەنيەت جەنە ارحيۆ ٸسٸ سالالارىنداعى نورمالاردىڭ ارتىق (شامادان تىس) زاڭنامالىق رەگلامەنتتەلۋٸن بولعىزباۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسى جٶنٸندە بايانداما جاسادى.
بايانداما جاساپ بولعان مينيسترگە زايىتوۆ ساۋال تاستادى. دەپۋتاتتىڭ سٶزٸنشە, مەدەنيەت جەنە اقپارات مينيسترلٸگٸنٸڭ قۇزىرەتٸندەگٸ مەكەمەلەردٸڭ اينالاسىنداعى داۋ توقتاماي تۇر.
"قارا شاڭىراعىمىز "قازاقفيلم" قازٸر تالان-تاراجعا تٷسٸپ, قۇرۋعا جاقىن قالدى. قارا شاڭىراعىمىز اباي اتىنداعى وپەرا جەنە بالەت تەاترىن كەيٸنگٸ ۋاقىتتا "رەستوران" قىلعان دا دەرەكتەر بار. مەندە دەلەل جوق ەمەس, بار. سوندىقتان ايتىپ وتىرمىن", - دەيدٸ زايىتوۆ.
مينيستر ايدا بالاەۆا بۇل مەسەلەدە اشىق ەكەنٸن, دەپۋتاتتارمەن تالقىلاۋعا دايىن ەكەنٸن مەلٸمدەدٸ.
"الاساپىراندايتىن جاعداي جوق. مينيسترلٸك ٶزٸنٸڭ جٷيەلٸ جۇمىسىن ٸستەپ جاتىر. مەدەني وشاقتارعا, كينەماتوگرافيياعا قاتىستى ٶز ۇسىنىسىمدى بەرگەنمٸن. مەجٸلٸستٸڭ بٸر وتىرىسىندا جاقسى تالقىلاۋلار جٷرگٸزٸپ, اتقارىپ جاتقان جۇمىستاردى الدارىڭىزعا سالىپ, سۇراقتارىڭىزعا جاۋاپ بەرۋگە دايىنمىن. باسقا دا ۇيىمدارعا قاتىستى سۇراقتار بولسا, ونى دا ايتۋعا بولادى. بٸراق بارلىق جۇمىستى جوققا شىعارىپ, بارلىعى جامان دەپ ايتۋ دۇرىس ەمەس", - دەدٸ مينيستر.
ايتا كەتەيٸك, "قازاقفيلم" تٶڭٸرەگٸندە داۋ جيٸ شىعادى. بۇعان دەيٸن انيماتسييا بٶلٸمٸنٸڭ بٸرنەشە قىزمەتكەرٸ 7 اي بويى جالاقى الماعانىن, "التىن ادام" جوباسى ٷشٸن دە اقى الماعانىن, ٷكٸمەت بەكٸتكەن 500 ميلليون تەڭگەنٸڭ جوباسى باستالماعانىن ايتىپ شاعىمداندى. ارتىنشا ازامات ساتىبالدى "قازاقفيلم" پرەزيدەنتٸ قىزمەتٸنەن كەتتٸ.
دەپۋتات رينات زايىتوۆ تا بۇعان دەيٸن "قازاقفيلم" مەسەلەسٸن بٸرنەشە رەت كٶتەردٸ.
"شەكەن كەنجەتايۇلى ايمانوۆ اتىنداعى قارا شاڭىراق قازاقفيلمدٸ قۇرتۋ پروتسەسٸ سانالى تٷردە, ەدەيٸ جٷرٸپ جاتىر. بۇل, قاتەلەسپەسەم, احمەتجان ەسٸموۆتٸڭ بە, باۋىرجان بايبەكتٸڭ بە كەزٸندە باستالدى. قازاقفيلمنٸڭ تۇرعان جەرٸن بٸلەسٸز, قالانىڭ قاق ورتاسى. بۇلار سول جەردٸ العىسى كەلٸپ وتىر. ساۋدا ٷيٸن بە, بٸردەڭە سالعىسى كەلگەن ساسىق ارماندارى بار. بەس گەكتارىن الىپ الدى. ەندٸ قالعانىن قۇرتقالى وتىر. ەيتپەسە قازاقفيلم دەگەنٸڭٸز كەزٸندە 2000-عا جۋىق شتاتى بار, قانشاما ماتەريالدىق بازاسى بار, بەلەنباي پاۆيلونى جۇمىس ٸستەپ تۇرعان ٷلكەن ۇجىم ەدٸ. قازٸر 150-دەي ادام شتاتتا قالدى. سەگٸز پاۆيلوننىڭ بٸرەۋٸ عانا ٸستەپ تۇر عوي دەيمٸن. سەگٸزٸ ٸستەيتٸن بولسا, قازاقفيلم ٶز كٷنٸن ٶزٸ كٶرە الاتىن جەر ەدٸ.
قازاقفيلم مەملەكەتتەن قارجىلانبايدى. بۇل ارىستانبەك مۇحامەديۇلى دەگەن مىرزانىڭ جاساپ كەتكەن قاستىعى. ول "كينو قورى" دەگەندٸ قۇردى دا, بٷكٸل مەملەكەتتٸڭ اقشاسىن سوندا اۋدارادى, قازاقفيلمگە جىلىنا ەكٸ-اق فيلمگە رۇقسات ەتٸلەدٸ. ال انيماتسييالىق مۋلتفيلم تٷسٸرۋگە مٷلدەم رۇقسات ەتٸلمەيدٸ. سونداي قاۋلى شىعارىپ تاستاعان. ٶتكەندەگٸ انيماتورلاردىڭ زار جىلاپ جٷرگەنٸ - سول.
ازامات مىرزانىڭ جۇمىستان كەتۋٸ, مەنٸڭ تٷسٸنگەنٸم, ول بۇل جۇمىستىڭ نەتيجەسٸز بولاتىنىن تٷسٸندٸ دە, "قازاقفيلم مەنٸڭ تۇسىمدا قۇرىدى دەگەن سٶزگە قالعىم كەلمەيدٸ" دەپ شاراسىزدىقتان كەتكەن سيياقتى. بەلكٸم, قاتەلەسۋٸم مٷمكٸن. تەك ٶزٸمنٸڭ بولجامىم. ...ۇرپاقتىڭ الدىندا ۇياتتى بولماۋ ٷشٸن, ارۋاقتىڭ الدىندا كٸنەلٸ بولماۋ ٷشٸن قازاقفيلمدٸ ساقتاپ, بٸر ارقاسىنان قاعىپ جٸبەرسەك, ارى كەتسە ٷش جىلدا تابىس تاباتىن دەڭگەيگە جەتە الادى", - دەدٸ دەپۋتات بۇعان دەيٸنگٸ سۇحباتىندا.
