قازاقستان رەسپۋبليكاسى باس پروكۋراتۋراسىنىڭ, قارجىلىق مونيتورينگ اگەنتتٸگٸنٸڭ جەنە ٸشكٸ ٸستەر مينيسترلٸگٸ ينتەرپولىنىڭ قىزمەتكەرلەرٸ گرۋزيياداعى قازاقستان ەلشٸلٸگٸنٸڭ قولداۋىمەن اتالعان ەلدەن بٸرنەشە رەت اسا ٸرٸ مٶلشەردە الاياقتىق جاساعانى ٷشٸن قىلمىستىق جاۋاپكەرشٸلٸككە تارتۋ ماقساتىندا قازاقستان ازاماتشاسىن ەكستراديتسييالادى, دەپ حابارلايدى dalanews.kz.
تەرگەۋ نۇسقاسى بويىنشا كٷدٸكتٸ 2020–2023 جىلدار ارالىعىندا اۋىل شارۋاشىلىعى تاۋارىن ٶندٸرۋشٸلەردٸ مەملەكەتتٸك قولداۋعا بٶلٸنگەن بيۋدجەت قاراجاتىن جىمقىرۋدىڭ قىلمىستىق سحەماسىن ۇيىمداستىرعان. قىلمىستىق پيعىلىن ٸسكە اسىرۋ ماقساتىندا ول سەنٸمدٸ تۇلعالاردىڭ اتىنا تٸركەلگەن شارۋا قوجالىقتارىن, اسىل تۇقىمدى ٸرٸ قارا مالدى ساتىپ الۋ تۋرالى جالعان شارتتاردى جەنە ٶزگە دە جالعان قۇجاتتاردى پايدالانىپ, سولاردىڭ نەگٸزٸندە جەڭٸلدەتٸلگەن كرەديتتەر مەن مەملەكەتتٸك سۋبسيدييالاردى زاڭسىز العان.
قىلمىستىق ەرەكەتتەردٸڭ سالدارىنان مەملەكەتكە جەنە باسقا دا جەبٸرلەنۋشٸلەرگە جالپى سوماسى 238 ميلليون تەڭگەدەن استام زالال كەلتٸرٸلگەن. قىلمىس جاساعاننان كەيٸن كٷدٸكتٸ قىلمىستىق قۋدالاۋ ورگاندارىنان بوي تاسالاپ, حالىقارالىق ٸزدەۋگە جارييالانعان.
اعىمداعى جىلدىڭ ناۋرىز ايىندا ول گرۋزييا اۋماعىندا ۇستالىپ, قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا قازاقستانعا ەكستراديتسييالاندى. قازٸرگٸ ۋاقىتتا كٷدٸكتٸ تەرگەۋ يزولياتورىنا قامالدى.
وعان تاعىلعان قىلمىستار ٷشٸن مٷلكٸ تەركٸلەنٸپ, 10 جىلعا دەيٸن باس بوستاندىعىنان ايىرۋ جازاسى كٶزدەلگەن. ەسكە سالا كەتەيٸك, جىل باسىنان بەرٸ گرۋزييادان 7 ادام ەكستراديتسييالاندى, ولاردىڭ 5-ەۋٸ جىمقىرعانى ٷشٸن ٸزدەۋدە بولعان.
