مەملەكەتتٸك قىزمەتكەرلەر دە پەريزات قايراتقا سەنٸپ, اقشا اۋدارعان, دەپ حابارلايدى Dalanews.kz.
سوت وتىرىسىندا ماڭعىستاۋ وبلىسى قازىناشىلىق دەپارتامەنتٸنٸڭ باسشىسى ماناربەك بۋحارباەۆتىڭ جاۋابى وقىلدى. 2024 جىلعى سەۋٸر ايىندا ۆەدومستۆو قىزمەتكەرلەرٸ تاسقىننان زارداپ شەككەندەرگە كٶمەك رەتٸندە 231 500 تەڭگە جيناپ, ونى BizBirgemiz Qazaqstan 2030 قوعامدىق بٸرلەستٸگٸنە اۋدارعان.
«جينالعان قاراجاتتى اۋدارۋ ٷشٸن مەن اقتاۋداعى Forte Bank بٶلٸمشەسٸنە باردىم. قاراجاتتى ماڭعىستاۋ وبلىسى قازىناشىلىق دەپارتامەنتٸنٸڭ اتىنان اۋدارۋ كەرەك ەكەنٸن ايتقانىمدا, بانك قىزمەتكەرلەرٸ مۇنى جٷزەگە اسىرا المايتىندارىن جەتكٸزدٸ دە, مەنٸڭ اتىمنان شوت اشۋدى ۇسىندى. مەن اتىمنان ەسەپشوت اشىپ, سول ارقىلى قوعامدىق بٸرلەستٸكتٸڭ ەسەپشوتىنا اقشا اۋداردىم. كەيٸن اتالعان قوعامدىق بٸرلەستٸك باسشىسىنا قاتىستى الاياقتىق فاكتٸسٸ بويىنشا قىلمىستىق ٸس قوزعالىپ, تەرگەۋ جٷرٸپ جاتقانىن ەستٸگەن سوڭ, زاڭنامالىق شارالار قابىلداپ, اۋدارىلعان قارجىنى قايتارۋدى سۇرايمىن», – دەلٸنگەن بۋحارباەۆتىڭ كٶرسەتٸلٸمٸندە.
باسقا جەبٸرلەنۋشٸلەر سيياقتى, قازىناشى دا اۋدارىلعان قاراجاتتىڭ تاسقىننان زارداپ شەككەندەرگە جەتكەنٸن تەكسەرمەگەن.
سوت پروتسەسٸ جابىق فورماتتا جالعاسۋدا. ەسكە سالايىق, پەريزات قايراتقا قاتىستى ٸس جارتىلاي اشىق رەجيمدە قارالىپ جاتىر: بانك قۇپيياسى مەن قۇپييا اقپاراتقا قاتىستى بٶلٸمدەر جابىق ەسٸك جاعدايىندا, جۋرناليستەردٸڭ قاتىسۋىنسىز ٶتۋدە.
