ۇكىمەتتىك ساعاتتا دەپۋتاتتار وسى ماسەلەگە قاتىستى ساۋالدارىن جولداپ، وي-پىكىرلەرىن ءبىلدىردى. «مەملەكەتتىك قىزمەتتەردى كورسەتۋ كەزىندە قاعازباستىلىق كوپ، وندا نەگە قاعازعا باسىپ شىعاراتىن انىقتامالار سانىن ازايتپاسقا؟! سونداي-اق، كەيبىر مەملەكەتتىك ورگاندار قىزمەتتەردى ۇسىنۋ فۋنكسيالارىن مەملەكەتتىك كورپوراسياعا بەرۋ نەمەسە سيفرلىق نۇسقاعا وتكىزۋگە اسا مۇددەلى ەمەس، بۇل دا وزەكتى ماسەلە. احات ارحيۆتەرىن سيفرلىق نۇسقاعا وتكىزۋ پروسەسىن دە جەدەلدەتۋ كەرەك. قوردالانعان ماسەلەلەردى وسىلاي جالعاستىرا بەرۋگە بولادى»، – دەدى ءماجىلىسى ءتوراعاسىنىڭ ورىنباسارى ۆلاديمير بوجكو.
«ازاماتتارعا ارنالعان ۇكىمەت» مەملەكەتتىك كورپوراسياسىنىڭ قىزمەتكەرلەرى وكىلەتتى ورگاندارمەن بىرگە مەملەكەتتىك قىزمەتتەردى كورسەتۋدەگى وسىنداي وزەكتى ماسەلەلەردى شەشۋ جولدارىن قاراستىرىپ جاتىر. «بۇل تۇرعىدا ەڭ الدىمەن سالانى مۇمكىندىگىنشە سيفرلاندىرۋ كەرەك. سيفرلىق قىزمەت كورسەتۋ اياسىندا ءبىز يننوۆاسيالىق جاڭاشىلدىقتاردى ەنگىزىپ، مەملەكەتتىك قىزمەت كورسەتۋدىڭ پرواكتيۆتى پرينسيپىنە اۋىسىپ جاتىرمىز. بۇل ورايدا اقپاراتتىق جۇيەلەردى بىرىكتىرۋ اسا ماڭىزدى. بۇگىن ءبىز «Paper free» سەرۆيسىن ەنگىزۋ، ياعني قىزمەت الۋشىنىڭ رۇقساتى راستالعان جاعدايدا، مەملەكەتتىك ورگاندار مەن جەكەمەنشىك ۇيىمدارعا انىقتامالار بەرۋ ماسەلەسىن قاراستىرۋدامىز. ەگەر بۇل جوبا ىسكە اسسا، قاعازعا باسىپ شىعارىلاتىن انىقتامالاردىڭ سانى 21،5 ملن، داناعا دەيىن قىسقارار ەدى»، – دەدى مەملەكەتتىك كورپوراسيانىڭ باسقارما ءتوراعاسى ابىلايحان وسپانوۆ.
پلەنارلىق وتىرىس زالىنىڭ كىرەبەرىسىندە «ازاماتتارعا ارنالعان ۇكىمەتتىڭ» ستراتەگيالىق باعىتتارى كورسەتىلگەن. ەلىمىزدەگى 746 مەمقىزمەتتىڭ 621-مەملەكەتتىك قىزمەتتەردىڭ ءبىرىڭعاي پروۆايدەرى رەتىندە دامىپ كەلە جاتقان مەمكورپوراسيا ارقىلى ۇسىنىلادى.
الداعى ۋاقىتتا جىلجىمايتىن مۇلىكتى تىركەۋ، ازاماتتىق حال اكتىسىن تىركەۋ، مىندەتتى مەديسينالىق ساقتاندىرۋ جۇيەسىندەگى اتاۋلاندىرىلعان ەسەپ فۋنكسيالارى دا كورپوراسياعا وتپەك.
ماڭىزدى ستراتەگيالىق باعىتتاردىڭ ءبىرى – ازاماتتار مەن بيزنەسكە سيفرلىق نۇسقادا قىزمەت كورسەتۋ. بۇل تۇرعىدا ۇنەمى وڭتايلاندىرۋ جۇمىستارى جۇرگىزىلىپ، مەملەكەتتىك قىزمەتتەر اۆتوماتتاندىرىلىپ جاتىر. جانە جىلجىمايتىن مۇلىكتىڭ ءبىرىڭعاي مەملەكەتتىك كاداسترىن جاساۋ، پرواكتيۆتى قىزمەت كورسەتۋگە اۋىسۋ ءىس-شارالارى جۇزەگە اسىرىلۋدا.
«قمد» اقپارات
