Memlekettik qyzmet kórsetýdi tsifrlandyrý – basym baǵyt
Úkimettik saǵatta depýtattar osy máselege qatysty saýaldaryn joldap, oi-pikirlerin bildirdi. «Memlekettik qyzmetterdi kórsetý kezinde qaǵazbastylyq kóp, onda nege qaǵazǵa basyp shyǵaratyn anyqtamalar sanyn azaitpasqa?! Sondai-aq, keibir memlekettik organdar qyzmetterdi usyný fýnktsiialaryn memlekettik korporatsiiaǵa berý nemese tsifrlyq nusqaǵa ótkizýge asa múddeli emes, bul da ózekti másele. AHAT arhivterin tsifrlyq nusqaǵa ótkizý protsesin de jedeldetý kerek. Qordalanǵan máselelerdi osylai jalǵastyra berýge bolady», – dedi Májilisi tóraǵasynyń orynbasary Vladimir Bojko.
«Azamattarǵa arnalǵan úkimet» memlekettik korporatsiiasynyń qyzmetkerleri ókiletti organdarmen birge memlekettik qyzmetterdi kórsetýdegi osyndai ózekti máselelerdi sheshý joldaryn qarastyryp jatyr. «Bul turǵyda eń aldymen salany múmkindiginshe tsifrlandyrý kerek. Tsifrlyq qyzmet kórsetý aiasynda biz innovatsiialyq jańashyldyqtardy engizip, memlekettik qyzmet kórsetýdiń proaktivti printsipine aýysyp jatyrmyz. Bul oraida aqparattyq júielerdi biriktirý asa mańyzdy. Búgin biz «Paper free» servisin engizý, iaǵni qyzmet alýshynyń ruqsaty rastalǵan jaǵdaida, memlekettik organdar men jekemenshik uiymdarǵa anyqtamalar berý máselesin qarastyrýdamyz. Eger bul joba iske assa, qaǵazǵa basyp shyǵarylatyn anyqtamalardyń sany 21,5 mln, danaǵa deiin qysqarar edi», – dedi memlekettik korporatsiianyń basqarma tóraǵasy Abylaihan Ospanov.
Plenarlyq otyrys zalynyń kireberisinde «Azamattarǵa arnalǵan úkimettiń» strategiialyq baǵyttary kórsetilgen. Elimizdegi 746 memqyzmettiń 621-memlekettik qyzmetterdiń biryńǵai provaideri retinde damyp kele jatqan memkorporatsiia arqyly usynylady.
Aldaǵy ýaqytta jyljymaityn múlikti tirkeý, azamattyq hal aktisin tirkeý, mindetti meditsinalyq saqtandyrý júiesindegi ataýlandyrylǵan esep fýnktsiialary da korporatsiiaǵa ótpek.
Mańyzdy strategiialyq baǵyttardyń biri – azamattar men bizneske tsifrlyq nusqada qyzmet kórsetý. Bul turǵyda únemi ońtailandyrý jumystary júrgizilip, memlekettik qyzmetter avtomattandyrylyp jatyr. Jáne jyljymaityn múliktiń biryńǵai memlekettik kadastrin jasaý, proaktivti qyzmet kórsetýge aýysý is-sharalary júzege asyrylýda.
«QmD» aqparat
