ولجاس بەكتەنوۆ مەملەكەتتىك ورگاندار "بيۋروكراتياعا مۇلدە جول جوق" قاعيداتى بويىنشا جۇمىس ىستەۋى قاجەت ەكەنىن مالىمدەدءى، - دەپ حابارلايدى Dalanews.kz.
ۇكىمەت وتىرىسىندا ەكونوميكانىڭ ناقتى سەكتورىن قارجىلاندىرۋ ماسەلەسىن قاراۋ بارىسىندا پرەمەر-مينيستر ولجاس بەكتەنوۆ مەملەكەتتىك ورگاندار بيزنەس ماسەلەلەرىن جەدەل شەشىپ، كەدەرگى جاساماۋى كەرەكتىگىن باسا ايتتى.
"ءبىز ۇزاق كەلىسۋ راسىمدەرى مەن بيۋروكراتيالىق كەدەرگىلەردىڭ كەسىرىنەن نەمەسە ۆەدومستۆوارالىق ءوزارا بايلانىستاردىڭ جوقتىعىنان بولاشاعى زور باستامالاردىڭ باياۋلاپ قالعانىن كورىپ ءجۇرمىز. جاقىندا مەن ينۆەستيسيالىق احۋالعا ارنالعان كەڭەس وتكىزدىم. كوپ ۋاقىت بويى سوزىلىپ كەلگەن سۇراقتار سول ارادا بىردەن شەشىمىن تاپتى. بارلىق مەملەكەتتىك ورگاندار "بيۋروكراتياعا مۇلدە جول جوق" قاعيداتى بويىنشا جۇمىس ىستەۋگە ءتيىس"، - دەپ اتاپ ءوتتى ولجاس بەكتەنوۆ.
بەكتەنوۆتىڭ سوزىنشە، ۇكىمەتتىڭ مىندەتى – جوبالاردى ءسوزبۇيداعا سالماي جىلدام ءارى ءتيىمدى قارجىلاندىرۋ ءۇشىن جاعداي جاساۋ.
