جىل سوڭىنا دەيىن «بالاپان» باعدارلاماسىنىڭ اياسىندا بالاباقشامەن قامتۋ دەڭگەيىن 90،4 پايىزعا جەتكىزۋ كوزدەلۋدە. بۇل تۋرالى ارىس قالاسىنىڭ اكىمى مۇرات قادىربەك ءمالىم ەتتى.
بۇدان بولەك، دەرمەنە اۋىلدىق وكرۋگىندە 150 جانە 200 ورىندىق 2 ورتا مەكتەپتىڭ قۇرىلىس جۇمىستارى بەكىتىلگەن كەستەگە سايكەس جۇرگىزىلۋدە. نىساندار 2018 جىلدىڭ تامىز ايىندا پايدالانۋعا بەرىلەتىن بولادى.
ايتا كەتەرلىگى، وڭىردە بالامالى ەنەرگيا كوزدەرىن وندىرەتىن جوبالار قولعا الىنىپ كەلەدى.
– قوجاتوعاي اۋىلدىق وكرۋگىندە «KAZ GREEN TEK SOLAR» ج ش س مەكەمەسى مەن فرانسۋزدىق «URBASOLAR» كومپانياسى بىرلەسكەن كۇن ساۋلەسى ارقىلى بالامالى ەنەرگيانى وندىرۋمەن اينالىساتىن زاۋىت سالىنادى. جالپى قۋاتتىلىعى 14 مۆت. قۇرايتىن ستانسيانىڭ قۇرىلىسى اعىمداعى جىلى باستالادى. بۇل جوبا 30 ادامدى جۇمىسپەن قامتاماسىز ەتپەك، – دەدى مۇرات بولات ۇلى.
سونىمەن قاتار، وڭىردە بيىل تۇيە ءسۇت ءونىمىن وندىرەتىن «جەلمايا» اۋىلشارۋاشىلىعى وندىرىستىك كووپەراتيۆى قوسىمشا دايىن يوگۋرت ونىمدەرى مەن تۇيە ءجۇنىن پرەستەۋ سەحىن ىسكە قوسۋدى جوسپارلاۋدا. سونداي-اق، ايماقتا تۇيە ءسۇتىن كوبەيتۋ ماقساتىندا جالپى قۇنى 3،5 ملن. تەڭگەنى قۇرايتىن وندىرىستىك قۋاتى 300 توننالىق قۇراما جەم شىعاراتىن سەح اشىلماق.
ەلدى مەكەندەردىڭ ينفراقۇرىلىمىن دامىتۋ ماقساتىندا 1 ملرد. 716 ملن. تەڭگەگە «وتىرار»، «وڭتۇستىك»، «ناۋرىز» تۇرعىن اۋداندارىندا ينفراقۇرىلىم قۇرىلىسى جۇرگىزىلگەن. الداعى 2018-2025 جىلدار ارالىعىندا قالانىڭ 26 ەلدى مەكەنىن تابيعي گازبەن قامتاماسىز ەتۋ جوسپارلانۋدا.
