اقش-تا تۇرعىندارمەن تىلدەسىپ، قوعامنىڭ اڭىسىن اڭدىپ وتىراتىن ايگىلى Gallup ينستيتۋتى بار. سول ينستيتۋت بيىل ەل ىشىندە «فەدەرالدى رەزەرۆ جۇيەسىنە (فرج) جانە ونىڭ ءتوراعاسىنا قانشالىقتى سەنەسىز؟» دەگەن ساۋالناما جۇرگىزدى.
2001-2023 جىلدىڭ ارالىعىندا بىزدىڭشە ۇلتتىق بانكتى باسقارعان مەنەدجەرلەرگە باعا بەرىلدى. ءار جىلدارى فرج-عا جەتەكشىلىك ەتكەن گرينسپەن، بەرنانكە، يەللەن جانە پاۋەلدىڭ «سەنىم رەيتينگى» جاسالدى.
امەريكالىقتار ينفلياسيا تومەندەگەن، جۇمىسسىزدىق ازايعان، بيزنەستى كرەديتتەۋ كوبەيگەن كلينتون-گرينسپەن داۋىرىندەگى 90-شى جىلداردى ساعىناتىنىن ايتقان. اقش-تا فرج ساياساتى مەن حالىقتىڭ ءال-اۋقاتى تىعىز بايلانىستى.
ال بىزدە مۇنداي ساۋالناما جۇرگىزىلە مە؟ ءبىر جارىم جىلعا جۋىق ۇلتتىق بانكتى باسقارعان عالىمجان ءپىرماتوۆ نە ءبىتىردى؟ ونىڭ "سەنىم رەيتينگى" قانداي؟ ونىڭ شەشىمدەرى حالىقتىڭ كوڭىل-كۇيى مەن ءاميانىنا قالاي اسەر ەتتى؟
– ءپىرماتوۆتىڭ اۋىسۋى لوگيكاعا سيادى. ونىڭ تۇسىندا بانكتەر تۇتىنۋ كرەديتتەرىن تاراتۋمەن اينالىسىپ كەتتى. بيزنەستى كرەديتتەۋ ءبىرجولاتا توقتاپ قالدى. بىلايشا ايتقاندا، بانكتەر حالىقتىڭ ۇستىنەن كۇن كوردى.
ەسكى قازاقستاننىڭ بىرەن-ساران بەلسەندىسى زەينەتاقى شوتىنداعى اقشانى باسپاناعا باعىتتاۋ دەيتىن يدەيانى ويلاپ تاپتى. نارىقتاعى ءۇي باعاسى قۇتىرىپ شىعا كەلەدى. ۇسىنىس سۇرانىسقا ساي بولمادى. قۇرىلىس كومپانيالارىنىڭ تويىمسىز، تاماقساۋ باسشىلارى اكىم-قارالاردىڭ ۇرتىن مايلاپ، قۇرىلىسقا قاجەتتى ۋچاسكىلەردى ونداپ، جۇزدەپ ساتىپ الدى.
ءۇيدىڭ ىرگەسىن كوتەرمەي جاتىپ، ساۋداعا شىعاردى. اراعا الىپتاسارلار ەندى. ءۇي باعاسى جالىنان سيپاتپايتىن جاعدايعا جەتتى، – دەيدى وسى تۇستا ەكونوميست راسۇل رىسمامبەتوۆ.
ال ناقتى يپوتەكانى كەشىرۋگە قاتىستى ماڭىزدى اقپاراتى سىلتەمەدەن وقي الاسىزدار:
https://t.me/dalainside/1460
