كەشە مەملەكەت باسشىسى جوعارى اۋديتورلىق پالاتانىڭ ءتوراعاسى ءاليحان سمايىلوۆتى قابىلدادى، دەپ حابارلايدى Dalanews.kz.
ءاليحان سمايىلوۆ مەملەكەتتىك اۋديتورلار جالپى قۇنى 32 تريلليون تەڭگە بولاتىن 18 ءىرى تەكسەرىس جۇرگىزگەنىن ايتتى. بۇل 2024 جىلدىڭ سايكەس كەزەڭىمەن سالىستىرعاندا 22،8 تريلليون تەڭگەگە كوپ.
پرەزيدەنتكە مەملەكەت پايداسىنا 112 ميلليارد تەڭگە وندىرىلگەنى تۋرالى مالىمەت بەرىلدى. انىقتالعان كەمشىلىكتەردى جويۋ ءۇشىن ۇكىمەتكە جانە اۋديت نىساندارىنا 96 ۇسىنىس پەن 800-گە جۋىق ورىندالۋعا مىندەتتى نۇسقاما جىبەرىلگەن. اۋديت قورىتىندىسى بويىنشا 42 ماتەريال قۇقىق قورعاۋ ورگاندارىنا جولدانعان.
ۆەدومستۆو كەلەسى جىلى 40-قا جۋىق اۋديتورلىق تەكسەرىس جۇرگىزۋدى جوسپارلاپ وتىر.
