مەملەكەت باسشىسىنىڭ مەلٸمدەمەسٸ
ٶتكەن جەكسەنبٸدە اقتٶبە قالاسىندا دٸننٸڭ اتىن جامىلعان بٸر توپ تەرروريست ەلدٸڭ تىنىشتىعىن بۇزدى. ول تۋرالى بارشاڭىز بٸلەسٸزدەر. بٸراق, مۇسىلمان قاۋىمى ٷشٸن قاسيەتتٸ رامازان ايى باستالار سەتتە قاندى قىلمىس جاساعانداردىڭ ارام نيەتتەرٸ ٸسكە اسقان جوق. قۇقىق قورعاۋ جەنە قاۋٸپسٸزدٸك قىزمەتتەرٸنٸڭ قىزمەتكەرلەرٸ ٷلكەن قاتەردٸڭ بەتٸن قايتاردى. تەرروريستەردٸڭ كٶپشٸلٸگٸنٸڭ كٶزدەرٸ جويىلدى, بٸرقاتارى قولعا تٷستٸ, قالعاندارىن تيٸستٸ ورگاندار ٸزدەپ تاۋىپ, ولار زاڭنىڭ ەڭ قاتاڭ تالاپتارىمەن جازاعا تارتىلاتىن بولادى. قازٸر حالىقتىڭ الاڭداۋىنا ەشبٸر نەگٸز جوق, جاعداي تولىق باقىلاۋعا الىندى.
مەن قايتىس بولعانداردىڭ وتباسىلارىنا, تۋىس-تۋعاندارىنا شىن جٷرەگٸممەن كٶڭٸل ايتامىن. قازا تاپقان ەسكەري قىزمەتكەرلەر وتان الدىنداعى انتىنا ادال بولىپ, ەل قاۋٸپسٸزدٸگٸ جولىندا ٶشپەس ەرلٸك كٶرسەتتٸ. ولاردىڭ ەرلٸكتەرٸ مەملەكەت تاراپىنان لايىقتى باعالاناتىن بولادى. ونىڭ ٷستٸنە 4 ازامات قايتىس بولدى, بەرٸ اقتٶبەنٸڭ تۇرعىندارى. سوندىقتان, مەن ەرتەڭگٸ بەيسەنبٸ, 9 ماۋسىم كٷنٸن جالپىۇلتتىق ازا تۇتۋ كٷنٸ دەپ جارييالايمىن. قازا بولعانداردىڭ ارتىندا وتباسى, بالا-شاعالارى قالدى. مەنٸڭ تاپسىرمام بويىنشا, ولارعا بارلىق قاجەتتٸ كٶمەكتەر جاسالۋدا.
تەۋەلسٸزدٸكتٸ جارييالاۋ بار, ال ونى قورعاپ, نىعايتۋ جەنە دامىتۋ ودان دا جاۋاپتى ٸس. ەل بٸرلٸگٸ, ٸشكٸ تىنىشتىق سول ٷشٸن كەرەك. مەن مۇنى ىلعي ايتىپ كەلەمٸن. ەل ٸشٸنە بٷلٸك سالۋدىڭ, «تٷستٸ رەۆوليۋتسييالاردىڭ» تالايىن باسقا ەلدەردەن كٶرٸپ, بٸلٸپ وتىرمىز. ول لاڭكەستٸك ەرەكەتتەردەن, كٶشەگە شىعىپ شۋلاۋدان باستالادى. ودان كونستيتۋتسيياعا قارسى شىعادى دا, اياعىندا مەملەكەت كٷيرەپ, حالىق اش-جالاڭاش قالادى. مۇنىڭ بەرٸن بٸز كٶرٸپ, بٸلٸپ, بايقاپ وتىرمىز.
بٸرٸنشٸدەن, بٸز كەز-كەلگەن سيپاتتاعى ەكسترەميزم مەن تەرروريزمگە قارسى زاڭداردى قايتا قاراپ, بۇل قۇبىلىسقا قاتاڭ تويتارىس بەرۋ جايىن ويلاستىرۋىمىز كەرەك. قولىنا قارۋ الىپ, كٸسٸ ٶلتٸرگەن ادام ٶلٸم جازاسىنا كەسٸلۋٸ قاجەت. ەكٸنشٸدەن, ەلدٸگٸمٸزگە سىنا قاعاتىن زۇلىمدىقتاردىڭ ىمىراسىز جولىن كەسۋٸمٸز قاجەت. ەل تىنىشتىعىن ساقتاماساق مىناداي ەلەمدٸك داعدارىستان ٶتە المايمىز. سوندىقتان بارشا حالىق بولىپ بٸرٸگٸپ, ەلدٸ ساقتاۋدى ويلاۋىمىز كەرەك.
قىمباتتى قازاقستاندىقتار!
ەل ٸشٸ بٷتٸن بولماسا, ەل دە بولمايدى. قازٸر – ناعىز ەلٸم, جەرٸم دەگەن وتانسٷيگٸشتٸكتٸ كٶرسەتەتٸن ۋاقىت. حالقىمىزدىڭ قاۋٸپسٸزدٸگٸ مەن تۇتاستىعى ٷشٸن بەرٸنە دە دايىن ەكەنٸمٸزدٸ كٶرسەتەتٸن كەز كەلدٸ. قاۋٸپسٸزدٸك پەن تۇراقتىلىق, بەيبٸتشٸلٸك پەن كەلٸسٸم – ەڭ باستى بايلىعىمىز. بٸز تەۋەلسٸزدٸگٸمٸزدٸڭ تٸرەگٸ بولعان بۇل قۇندىلىقتاردى كٶزدٸڭ قاراشىعىنداي ساقتايمىز.
مەن قازاقستان حالقى دٷنيەدەگٸ داعدارىس جەنە بٷگٸنگٸدەي جاۋاپتى شاقتا تاعى دا بارشا ەلەمگە ەلدٸگٸ مەن بٸرلٸگٸن پاش ەتەرٸنە سەنەمٸن. ەلٸمٸز امان, جۇرتىمىز تىنىش بولسىن!
دەرەككٶزٸ: akorda.kz
