شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى دەنە شىنىقتىرۋ جانە سپورت باسقارماسى ەمحاناسىنىڭ باس بۋحگالتەرىنە قاتىستى قىلمىستىق ءىستى قارادى، - دەپ حابارلايدى Dalanews.kz.
تەرگەۋ ورگانى بۋحگالتەردى قىزمەت بابىن پايدالانا وتىرىپ، سەنىپ تاپسىرىلعان اسا ءىرى مولشەردەگى مۇلىكتى يەلەندى دەپ ايىپتادى (قىلمىستىق كودەكستىڭ 189-بابىنىڭ 4-بولىگىنىڭ 2-تارماعى بويىنشا).
سوت ەمحانانىڭ باس بۋحگالتەرى ءبىر جىل بويى قىزمەتكەرلەردىڭ شوتىنا جالاقىسىنان اسىپ تۇسەتىن قاراجاتتى ەسەپتەپ وتىرعانىن انىقتادى. سودان كەيىن ول وسى ارتىق جيناقتالعان قاراجاتتى دوسىنىڭ بانك كارتاسىنا قايتارۋدى سۇراعان. وسىلايشا، بۇل اقشانى ءوزى يەمدەنىپ، ءوز قاجەتىنە جاراتقان.
سوتتالۋشىنىڭ ارەكەتىنەن مەملەكەتكە 29 ميلليون تەڭگەدەن اسا شىعىن كەلگەن.
پروكۋرور ايىپتالۋشىعا 7،5 جىلعا باس بوستاندىعىنان ايىرۋ جازاسىن تاعايىنداۋدى سۇرادى. سوتتالۋشى ءوز كىناسىن ءىشىنارا مويىنداپ، سوتتان باس بوستاندىعىنان ايىرۋ ەمەس، باسقا جازا تاعايىنداۋدى سۇرادى.
سوت سوتتالۋشىنىڭ شىن جۇرەكتەن وكىنۋىن جەڭىلدەتەتىن ءمان-جاي دەپ تانىدى.
سوتتالۋشى قىلمىستىق كودەكستىڭ 189-بابىنىڭ 4-بولىگىنىڭ 2) تارماعى بويىنشا كىنالى دەپ تانىلدى. وعان مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 7،5 جىلعا باس بوستاندىعىنان ايىرۋ جازاسى تاعايىندالدى.
ۇكىم زاڭدى كۇشىنە ەنگەن جوق.
