بەينەجازباداعى بۇل ادامدار مەكتەپتى تەكسەرۋگە كەلگەن مەملەكەتتىك قىزمەتكەر. ولار 8 قاڭتار كۇنى باستالعان تەكسەرۋ جۇمىستارىنىڭ ءساۋىر ايىنا دەيىن سوزىلاتىندىعىن ەسكەرتۋگە كەلگەن. ءبىراق مەكتەپ ديرەكتورى تەكسەرۋشىلەر زاڭعا ساي نەگىزدەمە بەرمەگەنىن ايتادى. ونىمەن قويماي مەملەكەتتىك قىزمەتكەرگە جات قىلىقتار تانىتتى دەپ وتىر.
ابزال ءتاجىمىشوۆ، اقتوبە قالاسىنداعى №60 ورتا مەكتەپتىڭ ديرەكتورى:
قىزمەتكەرلەر جەكە كۋالىگىن لاقتىردى ماعان ۇستەلدىڭ ۇستىنە. ماعان سويلەگەندە "سەن" دەپ سويلەيدى. مەن ول ادامدى تۇزەتتىم. مەن ابزال امانتايەۆيچپىن دەپ. ەسكەرتىپ ايتتىم. مىسقىلداپ ءوزىنىڭ تەكسەرۋشى ەكەندىگىن پايدالانىپ، «ابزال امانتايەۆيچ شىعارسىڭ» دەيدى. بۇل جەردە سۇراق تۋىندايدى. اكەمنىڭ كىم ەكەندىگىنە كۇمان كەلتىرىپ تۇر ما؟ مەن سولاي ءتۇسىندىم.
بۇگىندە وبلىستىق كوميسسياسى قالاداعى بارلىق ءۇش اۋىسىمدى مەكتەپتەردە تەكسەرۋدى باستاعان. سول شارا اياسىندا بۇل مەكتەپتە تەكسەرىس وتكەن جىلى جەلتوقساندا باستالىپ، اقپان ايىنا دەيىن اياقتالۋى ءتيىس بولعان. ءبىراق وسى كۇنگە دەيىن تەكسەرۋدىڭ جالعاسۋىنىڭ سەبەبىن كوميسسيا بىلاي دەپ ءتۇسىندىردى.
سەرىك ورىنبايەۆ، اقتوبە وبلىسى بويىنشا تەكسەرۋ كوميسسياسىنىڭ كمم مۇشەسى:
اۋديت تاپسىرماسى بويىنشا بەلگىلەنگەن ادامدار قىزمەتتىك جازبا جازادى. كىرە الماي ءجۇرمىز تەكسەرىستى ءارى قاراي سوزۋعا سۇرايمىز دەپ سوندىقتان ءبىز ۇزارتامىز. ال نەگىزى بىزدە زاڭدا بارلىق مەرزىم كورسەتىلمەگەن. قاي ۋاقىتتا قانشا تەكسەرۋ دەگەن ونى ءبىز ءوزىمىز زەردەلەپ انىقتايمىز. مىسالى بۇل مەكتەپ قۇرىلعالى تەكسەرىلمەگەن. ميللياردتاعان اقشا. بۇعان 15-20 كۇن جەتپەيدى.
بۇل داۋدان مەملەكەتتىك قىزمەت ىستەرى جونىندەگى اگەنتتىك وكىلدەرى دە حاباردار ەكەن. تەكسەرۋگە كەلگەن مەملەكەتتىك قىزمەتكەرلەردىڭ ىس-ارەكەتىنە قاتىستى قىزمەتتىك تەكسەرىس باستالعانىن جەتكىزدى.
مەيرامگۇل بەيبىتوۆا، ق ر مەملەكەتتىك قىزمەت ىستەرى اگەنتتىگى اقتوبە وبلىسى بويىنشا دەپارتامەنتى باسشىسىنىڭ ورىنباسارى:
ءبىز وسى بۇگىن انىقتادىق. تەكسەرۋ كوميسسياسىنىڭ ادەپسىز ىس-ارەكەتتەرىنە بايلانىستى ماتەريالدى وزدەرىنىڭ جۇمىس بەرۋشىسىنە مەملەكەتتىك ورگانعا قىزمەتتىك تەرگەپ تەكسەرۋ ءۇشىن جولدادىق. ونىڭ ناتيجەسى قىزمەتتىك تەكسەرۋدەن كەيىن انىقتالادى. سوسىن باعا بەرىلەتىن بولادى.
باقىت راحمەتوۆا، ءتىلشى:
بۇل جاعداي بويىنشا دا تەكسەرۋشىلەردىڭ كىناسى دالەلدەنسە تارتىپتىك جاۋاپكەرشىلىككە تارتىلۋى مۇمكىن. ورايى كەلگەندە ايتا كەتەيىن، جالپى اقتوبە وبلىسىندا وتكەن جىلى 733 مەملەكەتتىك قىزمەتكەرگە قاتىستى تارتىپتىك شارا قولدانىلعان.
https://youtu.be/z4eL4sjM8Ro
