وسى باعىتتا العا قويعان مىندەتتەردىڭ ءبىرى – ەمدەۋ مەكەمەلەرىندەگى مەديسينالىق قىزمەتتىڭ قولجەتىمدىلىگىن قامتاماسىز ەتۋ، تۇرعىندارعا ۋاقىتىلى ساپالى مەديسينالىق قىزمەت كورسەتۋ.
بۇل اسىرەسە، قىزمەت بابى نەمەسە وقۋ جايىمەن قازاقستاننىڭ كوپتەگەن ايماقتارىنان كەلۋشىلەرى ءۇشىن ماڭىزدى.
سوندىقتان دا مەديسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالىنىڭ قىزمەتكەرلەرى مىندەتتى الەۋمەتتىك مەديسينالىق ساقتاندىرۋ جۇيەسى جايلى جان-جاقتى مالىمەت بەرۋ، ازاماتتاردىڭ، جۇمىسكەرلەر مەن جۇمىس بەرۋشىلەردىڭ ساقتاندىرۋعا قاتىستى سۇراقتارىنا جاۋاپ بەرۋ ماقساتىندا جوسپارلى تۇردە ءاقپاراتتىق-تۇسىندىرۋ جۇمىستارىن جۇرگىزىپ وتىرادى.
«اتالعان شارالار نۇر-سۇلتان قالاسى اكىمدىگىنىڭ «سارىارقا»، «بايقوڭىر» اۋداندارىندا، قوعامدىق ورىندارىندا، «ومىرلىك قيىن جاعدايدا قالعان ادامداردى الەۋمەتكە قوسۋ ورتالىعى» كوممۋنالدىق مەملەكەتتىك مەكەمەسى، «نۇرلى جۇرەك» ورتالىعىندا، سونداي-اق قالانىڭ جوعارعى وقۋ ورىندارىندا ۇيىمداستىرىلدى.
شارا بارىسىندا كەپىلدەندىرىلگەن تەگىن مەديسينالىق كومەك جانە مىندەتتى الەۋمەتتىك مەديسينالىق ساقتاندىرۋ پاكەتتەرى شەڭبەرىندە كورسەتىلەتىن قىزمەتتەر، ساقتاندىرۋ جارناسىنىڭ مولشەرى، ءبىرىڭعاي جيىنتىق تولەم بويىنشا جارنا تولەۋ ءتارتىبى، مەملەكەت تاراپىنان ساقتاندىرىلاتىن ساناتتار جايلى ايتىلدى.
– «مۇمكىندىگىڭە قاراي – تولە، قاجەتىڭە قاراي – ەم ال» قاعيداتى، ياعني ساقتاندىرۋ جارناسىنىڭ مولشەرىنە قاراماستان بارلىق ازاماتتارعا بىردەي مەديسينالىق كومەك كورسەتۋ ۇستانىمى ءتۇسىندىرىلدى. مۇنداي ءىس-شارالار جوسپار بويىنشا الداعى ۋاقىتتا دا جۇرگىزىلەدى، – دەيدى «الەۋمەتتىك مەديسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
ەستەرىڭىزگە سالا كەتسەك، مەديسينالىق ساقتاندىرۋ قورى مەملەكەتتىك تاپسىرىس بويىنشا كورسەتىلەتىن كەپىلدەندىرىلگەن تەگىن مەديسينالىق كومەك (تمككك) پاكەتىنىڭ جانە جۇمىس بەرۋشىلەر، ازاماتتار مەن مەملەكەت جارناسى ەسەبىنەن قارجىلاندىرىلاتىن ءمامس پاكەتىنىڭ وپەراتورى بولىپ تابىلادى. تەگىن مەديسينالىق كومەك پاكەتىن قارجىلاندىرۋ مىندەتى 2018 جىلدان باستاپ قورعا جۇكتەلگەن بولاتىن. ال، مىندەتتى ساقتاندىرۋ شەڭبەرىندە قىزمەت كورسەتۋ 2020 جىلدان باستالادى.
«الەۋمەتتىك مەديسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ باسپا ءسوز قىزمەتى
