Meditsinalyq saqtandyrý qory – múmkindigińe qarai – tóle, qajetińe qarai – em al!
Osy baǵytta alǵa qoiǵan mindetterdiń biri – emdeý mekemelerindegi meditsinalyq qyzmettiń qoljetimdiligin qamtamasyz etý, turǵyndarǵa ýaqytyly sapaly meditsinalyq qyzmet kórsetý.
Bul ásirese, qyzmet baby nemese oqý jaiymen Qazaqstannyń kóptegen aimaqtarynan kelýshileri úshin mańyzdy.
Sondyqtan da Meditsinalyq saqtandyrý qorynyń Nur-Sultan qalasy boiynsha filialynyń qyzmetkerleri mindetti áleýmettik meditsinalyq saqtandyrý júiesi jaily jan-jaqty málimet berý, azamattardyń, jumyskerler men jumys berýshilerdiń saqtandyrýǵa qatysty suraqtaryna jaýap berý maqsatynda josparly túrde aqparattyq-túsindirý jumystaryn júrgizip otyrady.
«Atalǵan sharalar Nur-Sultan qalasy ákimdiginiń «Saryarqa», «Baiqońyr» aýdandarynda, qoǵamdyq oryndarynda, «Ómirlik qiyn jaǵdaida qalǵan adamdardy áleýmetke qosý ortalyǵy» kommýnaldyq memlekettik mekemesi, «Nurly júrek» ortalyǵynda, sondai-aq qalanyń joǵarǵy oqý oryndarynda uiymdastyryldy.
Shara barysynda kepildendirilgen tegin meditsinalyq kómek jáne mindetti áleýmettik meditsinalyq saqtandyrý paketteri sheńberinde kórsetiletin qyzmetter, saqtandyrý jarnasynyń mólsheri, Biryńǵai jiyntyq tólem boiynsha jarna tóleý tártibi, memleket tarapynan saqtandyrylatyn sanattar jaily aityldy.
– «Múmkindigińe qarai – tóle, qajetińe qarai – em al» qaǵidaty, iaǵni saqtandyrý jarnasynyń mólsherine qaramastan barlyq azamattarǵa birdei meditsinalyq kómek kórsetý ustanymy túsindirildi. Mundai is-sharalar jospar boiynsha aldaǵy ýaqytta da júrgiziledi, – deidi «Áleýmettik meditsinalyq saqtandyrý qory» KEAQ Nur-Sultan qalasy boiynsha filialynyń direktory Nurlybek Qabdyqaparov.
Esterińizge sala ketsek, Meditsinalyq saqtandyrý qory memlekettik tapsyrys boiynsha kórsetiletin kepildendirilgen tegin meditsinalyq kómek (TMKKK) paketiniń jáne jumys berýshiler, azamattar men memleket jarnasy esebinen qarjylandyrylatyn MÁMS paketiniń operatory bolyp tabylady. Tegin meditsinalyq kómek paketin qarjylandyrý mindeti 2018 jyldan bastap Qorǵa júktelgen bolatyn. Al, mindetti saqtandyrý sheńberinde qyzmet kórsetý 2020 jyldan bastalady.
«Áleýmettik meditsinalyq saqtandyrý qory» KEAQ Nur-Sultan qalasy boiynsha filialynyń baspasóz qyzmeti
