مەملەكەت باسشىسى نۇرسۇلتان نازاربايەۆ ءوزىنىڭ قازاقستان حالقىنا ارناعان «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىندا ەلىمىزدى سيفرلاندىرۋ ىسىنە باسا ءمان بەرگەنى بەلگىلى. دەنساۋلىق ساقتاۋ سالاسىنىڭ قىزمەتىن سيفرلاندىرۋ سالانىڭ جۇمىسىنىڭ جاندانۋىنا سەپتەسەتىنى ايتپاسا دا تۇسىنىكتى. بۇل باعىتتاعى جۇمىستار شىعىس قازاقستان وبلىسىندا قىزۋ قولعا الىنىپ جاتىر.



مەديسينا سالاسىن سيفرلاندىرۋ – قاعازباستىلىقتان قۇتاقىرىپ، جۇمىس ساپاسىن ارتتىرا تۇسەدى.

شىعىس قازاقستان وبلىسى دەنساۋلىق ساقتاۋ باسقارماسى سيفرلاندىرۋ جۇمىستارىن قارقىندى جۇرگىزۋ ءۇشىن بيىل 3 مىڭنان استام كومپيۋتەر مەن 2 مىڭعا جۋىق پرينتەر ساتىپ الۋدى كوزدەپ وتىر. بۇل ماقساتقا وبلىستىق بيۋدجەتتەن 985،87 ملن. تەڭگە قاراستىرىلعان.

ويعا العان ءىس تولىقتاي ىسكە اسقان جاعدايدا شىعىس قازاقستانداعى مەديسينالىق مەكەمەلەردى كومپيۋتەرلىك تەحنيكالارمەن جابدىقتاۋ 100 پايىزعا ورىندالاتىن بولادى. قازىرگى تاڭدا بۇل كورسەتكىش 61%-عا تەڭ.

وبلىستا دەنساۋلىق ساقتاۋ سالاسىن سيفرلاندىرۋ جۇمىستارىنىڭ اياسىندا  ءتۇرلى ءموبيلدى قوسىمشالاردى دايىنداۋ، تۇرعىنداردىڭ دەنساۋلىعى تۋرالى ەلەكتروندى ءتولقۇجات جۇيەسىن ەنگىزۋ ءىسى دە قاتار جۇرگىزىلمەكشى.

 

https://dalanews.kz/35047