Memleket basshysy Nursultan Nazarbaev óziniń Qazaqstan halqyna arnaǵan «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» Joldaýynda elimizdi sıfrlandyrý isine basa mán bergeni belgili. Densaýlyq saqtaý salasynyń qyzmetin sıfrlandyrý salanyń jumysynyń jandanýyna septesetini aıtpasa da túsinikti. Bul baǵyttaǵy jumystar Shyǵys Qazaqstan oblysynda qyzý qolǵa alynyp jatyr.



Medısına salasyn sıfrlandyrý – qaǵazbastylyqtan qutaqyryp, jumys sapasyn arttyra túsedi.

Shyǵys Qazaqstan oblysy densaýlyq saqtaý basqarmasy sıfrlandyrý jumystaryn qarqyndy júrgizý úshin bıyl 3 myńnan astam kompúter men 2 myńǵa jýyq prınter satyp alýdy kózdep otyr. Bul maqsatqa oblystyq búdjetten 985,87 mln. teńge qarastyrylǵan.

Oıǵa alǵan is tolyqtaı iske asqan jaǵdaıda Shyǵys Qazaqstandaǵy medısınalyq mekemelerdi kompúterlik tehnıkalarmen jabdyqtaý 100 paıyzǵa oryndalatyn bolady. Qazirgi tańda bul kórsetkish 61%-ǵa teń.

Oblysta densaýlyq saqtaý salasyn sıfrlandyrý jumystarynyń aıasynda  túrli mobıldi qosymshalardy daıyndaý, turǵyndardyń densaýlyǵy týraly elektrondy tólqujat júıesin engizý isi de qatar júrgizilmekshi.

 

https://dalanews.kz/35047