ۇيىمنىڭ جانىنان قۇرىلعان مەدياسيا ينستيتۋتىنا وسى ايدا 6 جىل تولدى دەپ حابارلايدى Dalanews.kz.
كوپۇلتتى قازاقستاندا مەدياتورلار قاۋىمداستىعىن قۇرۋ اسا ماڭىزدى. سول ارقىلى ۇلكەن داۋعا ۇلاسۋى مۇمكىن ۇرىس-جانجالدىڭ الدىن-الۋعا بولادى.
قىزىلجار قالاسىندا ورنالاسقان "مەدياسيا ورتالىعىنىڭ" جەتەكشىسى گالينا پەحوتينانىڭ ءمالىم ەتكەنىندەي بۇگىندەرى اسسامبلەيا ساپىندا 2 مىڭعا جۋىق بىلىكتى مەدياتور بار. سوڭعى 5-6 جىلدىڭ بەدەرىندە مەدياتورلاردىڭ الدىندا 120 مىڭنان اسا ازامات ارىز ايتىپ كەلگەن.
"ارىز-شاعىم يەلەرىنىڭ ماسەلەسى سوتقا جەتپەي، بەيبىت تۇردە شەشىلدى. تۇرمىستىق داۋ-داماي ۇلت ارازدىق ۇرىس-كەرىسكە ۇلاسپاۋى ءۇشىن كوپتەگەن ازاماتتار كاسىبي مامانداردىڭ كومەگىنە جۇگىنەدى. اسسامبلەياعا قاراستى مەدياسيا ينستيتۋتى دا قاراپ جاتقان جوق. سوڭعى جىلدارى ەلىمىزدىڭ ىرىس-ىنتىماعىن ارتتىرا تۇسۋگە ارقاۋ بولعان 16 مىڭعا جۋىق ماڭىزدى ءىس-شارا ۇيىمداستىردىق. بۇل باستاما شامامەن 300 مىڭعا جۋىق تۇرعىندى قامتىدى"، – دەيدى ول.
پەحوتينانىڭ اتاپ وتكەنىندەي مەدياتورلار بۇگىنگى زاماننىڭ بيلەرى ىسپەتتەس. ولار ەكى تاراپتى تاتۋلاستىرۋعا تىرىسىپ، ەكى جاقتىڭ دا كوڭىلى تولايتىن پاراساتتى شەشىم قابىلداۋعا تىرىسادى.
"البەتتە، بۇل كەلىسىمنىڭ زاڭدىق كۇشى بولۋى كەرەك. سول سەبەپتى تاتۋلاسقان تاراپتاپ "مەدياتيۆتى ۇيعارىم" دەپ اتالاتىن قۇجاتقا قول قويادى، وسىلاي ورتاق مامىلەگە كەلدى. قاتەلەسپەسەم، قازىرگى ۋاقىتتا اسسامبلەيا قارايتىن 20-عا جۋىق مەدياسيا كەڭەسى جۇمىس ىستەيدى. اسسامبلەيا باسشىلىعى وسىناۋ ۇيىمداردىڭ وكىلدەرىمەن ۇنەمى اقىلداسىپ، كەڭەسىپ وتىرادى"، – دەيدى مامان.
ايتا كەتەلىك، اسسامبلەيا جانىنداعى مەدياسيا ۇيىمدارىمەن ەلىمىزدەگى زاڭگەرلەر القاسى، ادام قۇقى جونىندەگى وكىلدىك، "اتامەكەن" پالاتاسى جانە باسقا دا ماڭىزدى قۇرىلىمدار ارىپتەستىك بايلانىس ورناتقان.
مەدياسيا كەڭەسىنەن بولەك، اسسامبلەيا فيليالدارىندا مەدياسيا بولمەلەرى اشىلعانىن دا ايتا كەتۋىمىز كەرەك.
بۇدان بۇرىن Dalanews.kz ءتىلشىسى الماتى قالاسىندا "دوستىق" ۇيىندە ورنالاسقان 17 مەدياسيا بولمەسى تۋرالى اقپارات بەرگەن بولاتىن.
