وسى ماسەلەنى دامىتۋعا ارنالعان «ءبىلىم الۋشىلاردىڭ فۋنكسيونالدىق ساۋاتتىلىعىن قالىپتاستىرۋ ءۇشىن «4ك» مودەلىن دامىتۋدىڭ ءبىلىم بەرۋ تەحنولوگياسى» تاقىرىبىنداعى 80 ساعاتتىق بىلىكتىلىكتى ارتتىرۋ كۋرسىن بارلىق ءپان مۇعالىمدەرىنە 2022 جىلدىڭ 28.03 – 08.04 ارالىعىندا «ورلەۋ» باۇو» اق فيليالى الماتى قالاسى بويىنشا كاسىبي دامۋ ينستيتۋتى ججگپوا كافەدراسىنىڭ اعا وقىتۋشىسى، گۋمانيتارلىق عىلىمدارىنىڭ ماگيسترى، ترەنەر ەسەنتايەۆا ايجان ىدىرىس قىزى وتكىزدى. كۋرسقا 26 قالا مەكتەپتەرىنىڭ مۇعالىمدەرى قاتىستى. كۋرستا ءبىلىم الۋشىلاردىڭ شىعارماشىلىق (كرەاتيۆتى ويلاۋ) قابىلەتىن، سىني تۇرعىدان ويلاۋىن، قارىم-قاتىناسىن جانە توپتىق جۇمىستى دامىتۋدا فۋنكسيونالدىق ساۋاتتىلىقتى وقۋشىلارعا قالىپتاستىرۋدىڭ تاجىريبەلىك جولدارىن كورسەتۋگە، جاساۋعا باسىمدىق بەرىلدى.
كۋرستىڭ وقۋ جوسپارىنا سايكەس، 6ء-ساۋىر كۇنى الماتى قالاسىنداعى №178 مامانداندىرىلعان ليسەي بازاسىندا «4ك» مودەلىنىڭ دامۋ تاريحى، «4ك» مودەلىن جانە «Soft Skills» داعدىلارىن قالىپتاستىرۋ قۇرىلىمى، ءبىلىم الۋشىلاردىڭ فۋنكسيونالدىق ساۋاتتىلىعىن قالىپتاستىرۋ ءۇشىن وقىتۋدىڭ يننوۆاسيالىق تەحنولوگيالارى مەن ينتەراكتيۆتى ادىستەرى» تاقىرىبىندا 8 ساعاتتىق كوشپەلى تاجىريبەلىك ساباق وتكىزىلدى.
ماقساتى: ءبىلىم الۋشىلاردىڭ Soft Skills داعدىلارىن دامىتۋدا بەلسەندى ادىستەردى قولدانۋ. Soft Sklls داعدىلاردى دامىتۋدىڭ ماڭىزدىلىعىن تالداۋ. Soft Sklls داعدىلارىن دامىتۋدا پەداگوگيكالىق تاسىلدەردى وقۋ پروسەسىندە قولدانۋ.
كوشپەلى تاجىريبەلىك ساباققا قاتىسۋشىلاردى №178 مامانداندىرىلعان ليسەي ديرەكتورى، شەبەر-مەنەدجەر، بىلىكتى كوشباسشى-پەداگوگ شادييەۆ كايراتبەك حامزاحانوۆيچ پەن ديرەكتوردىڭ وقۋ ءىسى جونىندەگى ورىنباسارى، شەبەر-مەنەدجەر داۋلەتبايەۆا گۇلنافيس اباتوۆنا باستاعان مەكتەپ ۇجىمى ەرەكشە قوناقجايلىلىقپەن قارسى الدى. تاجىريبەلىك ساباقتار اياسىندا كۋرس تىڭداۋشىلارى ليسەيدىڭ تىنىس-تىرشىلىگى تۋرالى ماعلۇمات الىپ، ليسەي عيماراتىنداعى زاماناۋي روبوتتەحنيكا، سارعىش، جاسىل، كوك، سارى IT، رۋحاني جاڭعىرۋ كابينەتتەرىن ارالادى. كىتاپحانا بازاسى جانە تۇڭعىش پرەزيدەنتكە ارنالعان مۇراجايعا ساياحات جاسادى.
كۋرس تىڭداۋشىلارى «تاجىريبەنى دامىتۋ» شارا ايدارىندا ليسەيدىڭ تاجىريبەلى ۇستازدارى: قازاق ءتىلى مەن ادەبيەتى ءپانى ءمۇعالىمى، پەداگوگ-زەرتتەۋشى اۋەلبەكوۆا ايمان ايتجانوۆنا 7-سىنىپتا م.شاحانوۆ «نارىنقۇم تراگەدياسى» شىعارماسى، ماتەماتيكا ءپانىنىڭ ءمۇعالىمى، پەداگوگ-زەرتتەۋشى، سۋلتانوۆا گۋلجان مىنبايەۆنا 9-سىنىپقا «ءۇشبۇرىشتار جانە شەڭبەر»، بيولوگيا ءپانىنىڭ ءمۇعالىمى، پەداگوگ-زەرتتەۋشى دجۋمابايەۆا گۋلنار بەيسەمبەكوۆنا 10-سىنىپقا «ورتالىق جۇيكە جۇيەسىنىڭ قۇرىلىسى» تاقىرىپتارىندا تاجىريبەلىك ساباق كورسەتتى. ساباق بارىسىندا ءبىلىم الۋشىلاردىڭ جوعارى سىني ويلاۋ، شىعارماشىلىق ويلاۋ، قارىم-قاتىناس داعدىلارىن، فۋنكسيونالدىق ساۋاتتىلىقتى دامىتۋ ءۇشىن وقۋ پروسەسى اشىق فورماتتاعى تاپسىرمالار ارقىلى ۇيىمداستىرىلدى. جەكە قاسيەتتەردى قالىپتاستىرۋدا بەلسەندى ادىستەر قولدانىلدى. ساباقتان كەيىنگى كەرى بايلانىس سىندارلى كاسىبي وي الماسۋلار بولىپ، ناقتى ءارى قۇندى پىكىرلەر ايتىلدى. «بىلە جۇرەيىك» ايدارى بويىنشا ترەنەر 4 ك تۇجىرىمداماسىنداعى بىلىمدەردى قالىپتاستىرۋدىڭ تاجىريبەلىك ماڭىزدىلىعىنا توقتالىپ وقىتۋدىڭ بىرلەسكەن جۇمىس قيمىلىنداعى جانە سۇراق-جاۋاپ تاسىلدەرىنىڭ ءرولى باسىم ەكەنى تۋرالى وي قوزعادى.
سونىمەن قاتار، كتس بارىسىنداعى ماڭىزدى ءسات – 4 ءساۋىر كۇنى الماتى قالاسى اۋاماعىنان العاش بولىپ «PISA» حالىقارالىق عىلىمىي زەرتتەۋ سىناماسىنا قاتىسقان 15 جاساتاعى 9 جانە 10-سىنىپ وقۋشىلارىمەن «سۇقبات» ايدارى بويىنشا تىكەلەي كەزدەسۋ ۇيىمداستىرىلدى. ارنايى «تاپسىرمالاردى ورىنداۋ قيىن/وڭاي بولدى ما؟، مەجەلەنگەن ۋاقىتتا تاپسىرمالاردى تولىق ورىنداپ شىقتىڭدار ما؟ تولىق ورىنداي الماعان بولساڭدار، سەبەبى نەدە دەپ ويلايسىزدار؟، مەكتەپ مۇعالىمدەرى قانداي تاپسىرمالارمەن ءبىلىم بەرۋدى ۇيىمداستىرۋ كەرەك دەپ ەسەپتەيسىڭدەر؟» دەگەن سۇراقتارعا وقۋشى كوزقاراسىمەن اشىق جاۋاپتار الىندى. وقۋشىلاردىڭ كوپشىلىگى ماتەماتيكالىق ساۋاتتىلىق سۇراقتارىنا جاۋاپ بەرۋ قيىن بولماعانىن تىلگە تيەك ەتتى. سۇراقتار وقۋلىقتان كەلمەيدى ەكەن، ومىرلىك جاعداياتپەن بايلانىستىرىلىپ كەلگەن سۇراقتار وتە قىزىق دەيدى. قيىن بولعانى – ۇزاق ماتىندەردى وقۋعا، تەرميندەردى تۇسىنۋگە ۋاقىت كەتەتىنىن جانە ماتىندەر تۋرا اۋدارمامەن كەلگەنىن ايتتى. بولاشاقتا ۇستازدارىمىز ساباققا ۇزاق جانە ءتىلى قيىن ماتىندەرمەن جۇمىس جاساتىپ بىزدەردى داعدىلاندىرسا، لوگيكالىق سۇراقتار مەن جاعداياتتىق تاپسىرمالار مەن تابليسالىق ەسەپتەردى كوبىرەك ورىنداتسا، – دەگەن ۇسىنىس-پىكىرلەرىن جەتكىزدى. بۇل ۇسىناستار كۋرس تىڭداۋشىلارىنىڭ تاجىريبەلەرى تۋرالى ويلانۋىنا جانە دامىتۋعا تۇرتكى بولدى دەپ ەسەپتەيمىز. وقۋشىلار ءوز سۇقباتىندا سىناما قورىتىندىسى بويىنشا جوعارى كورسەتكىشتەرگە قول جەتكىزەتىندىگىنە سەنىم ءبىلدىردى.
فۋنكسيونالدىق ساۋاتتىلىقتىڭ نەگىزگى بازاسى – وقۋ-جازۋ. قاي ءپاننىڭ ءمۇعالىمى بولماسىن تاپسىرمانىڭ اۋزشا، جازباشا، ۆيزۋالدى اقپاراتتار، ماسەلەنى شەشۋ تۇرلەرى ارقىلى وقىعان اقپاراتتى جادىسىنا ساقتاۋعا جانە كەز-كەلگەن جاعداياتتا قولدانۋعا بەيىمدەۋ كەرەكتىگى تۋرالى ويلانۋى كەرەك.
سەمينار سوڭىندا ليسەيدىڭ ونەرلى وقۋشىلارى كۇمبىرلەگەن كۇي تارتىپ، بي بيلەپ، ءان شىرقادى.
№178 مامانداندىرىلىعان ليسەي بازاسىندا ايجان ىدىرىس قىزىنىڭ ۇيىمداستىرىپ وتكىزگەن كتس شاراسى تىڭداۋشىلار تاراپىنان جوعارى باعالاندى. وسىنداي يگى جۇمىستاردى تاجىريبەلىك تۇرعىدان كورسەتىپ، شەبەرلىكتەرىمەن بولىسكەن، وقۋشىلارىمەن جۇزدەستىرگەن مەكتەپ اكىمشىلىگىنە جانە ساباق بەرگەن ۇستازدارعا الماتى قالاسى بويىنشا كاسىبي دامۋ ينستيتۋتى العىس ءبىلدىرىپ، قۇرمەت گراموتاسىمەن ماراپاتتادى.
«ورلەۋ» الماتى
