كوپتى مازالايتىن ساۋالعا قورعانىس ونەركاسىبى كاسىپورىندارى قاۋىمداستىعىنىڭ ءتوراعاسى نايزابەك ولجابايەۆ جاۋاپ بەردى.
...
جاسىراتىنى جوق، قازاقستان ەرتەدەن كورشى مەملەكەتتەن ىرگەسىن اۋلاق ۇستاماعان. بۇعان تاريح پاراقتارى كۋا. دەمەك، ەلىمىزدىڭ اسكەري الەۋەتى كورشى رەسەيدىڭ ساياسي جەتەكشىلىگىنە تاۋەلدى. ءتىپتى، وتاندىق اسكەري قىزمەتكەرلەردىڭ دەنى سونداعى جوعارى وقۋ ورىندارىندا ءبىلىم العان. ولار ءوز ەلىندە قارۋلى كۇشتەردى قۇرۋ كەزىندە مۇنداي مەكتەپتىڭ ارتىقشىلىعىن عانا ەمەس، كەيدە كەمشىلىكتەرىن دە ەرىكسىز قابىلداۋعا ءماجبۇر.
ال قازىرگى زامانعى قارۋ-جاراق پەن اسكەري تەحنيكا قانداي بولۋى كەرەك؟ بۇگىندە قازاقستان رەسپۋبليكاسى قارۋلى كۇشتەرىن قارۋ-جاراق پەن اسكەري تەحنيكانىڭ زاماناۋي ۇلگىلەرىمەن، ونىڭ ىشىندە قارۋ-جاراق جانە اسكەري تەحنيكامەن جاراقتاندىرۋ 10 پايىزدان تومەن.
ارينە، اۋە قورعانىسى كۇشتەرى مەن اسكەري-تەڭىز كۇشتەرىنە تيەسىلى جاڭا قارۋ-جاراق پەن اسكەري تەحنيكانىڭ نەگىزگى ۇلەسى قىمباتقا تۇسەتىنى بەلگىلى. ايتا كەتۋ كەرەك، اۋە قورعانىسى كۇشتەرى (ءاقق) بولىمشەلەرىن جابدىقتاۋ دا وڭاي ەمەس. اسىرەسە، اۆياسيالىق بولىمشەدە تەحنيكانى جوندەۋگە كوپ قاراجات قاجەت.
دەمەك، قارجى رەسۋرستارىن دۇرىس بولمەۋدىڭ سالدارىنان قۇرلىقتاعى اسكەرلەر ءىس جۇزىندە ەشتەڭەسىز قالدى. بروندى تەحنيكالاردىڭ جاڭا ۇلگىلەرىنە بولىنگەن قارجى كوزى جالپى كورسەتكىشپەن سالىستىرعاندا 5%-دان از بولسا، ال ارتيللەريالىق جانە تانكىگە قارسى جۇيەلەر، سونداي-اق اۋە شابۋىلىنا قارسى قورعانىس قۇرالدارى ۇلتتىق قارۋلى كۇشتەر قۇرىلعالى بەرى جاڭارتىلا قويماعان. بۇل تۇرعىدا اسكەري اۋە قورعانىسى تۋرالى اۋىز اشۋدىڭ ءوزى ارتىق.
قاڭتارداعى وقيعادان كەيىن جاسالعان تۇجىرىمدارعا سۇيەنسەك، ءبىز بۇگىن قازاقستان رەسپۋبليكاسىنىڭ قارۋلى كۇشتەرىنىڭ الەۋەتىن كوتەرۋدى الدىڭعى ورىنعا قويۋىمىز كەرەك.
كورشى مەملەكەتتەردەن تىنىشتىق كەتە باستاعاندا وڭ وزگەرىستەر ەنگىزىپ، ناقتى شارالاردى قولعا الۋ ماڭىزدى. ونىڭ ىشىندە كۇن تارتىبىنە قارۋلى كۇشتەردىڭ ۇيىمدىق-شتاتتىق قۇرىلىمىن قايتا قۇرۋ، ارنايى وپەراسيالىق كۇشتەردىڭ قولباسشىلىعىن قالىپتاستىرۋ، ستراتەگيالىق جوسپارلاۋ قۇجاتتارىن قايتا قاراۋ ماسەلەسى قويىلعانى ابزال.
الەم ەلدەرىندە بولىپ جاتقان قاقتىعىستار مەن كيكىلجىڭدەردىڭ ءوزى ساباق بولۋى ءتيىس. سوندىقتان كەز كەلگەن وقيعانى جان-جاقتى سارالاپ، شەشىمدى قابىلداۋ كەزىندە اسىعىستىققا جول بەرمەگەن ءجون. ول ءۇشىن قازاقستان رەسپۋبليكاسىنىڭ ۇلتتىق قاۋىپسىزدىگىنىڭ بۇكىل جۇيەسىنە رەفورما جۇرگىزىپ، تۇبەگەيلى قايتا قۇرۋ قاجەت. دالىرەك ايتقاندا، قارۋلى كۇشتەردى باسقارۋ جانە باسقارۋ جۇيەسىنىڭ ءتۇر-تۇقيانىنا دەيىن جاڭاشىل وزگەرىس ەنگىزۋ كەرەك.
وسى تۇرعىدا سوناۋ وتىز جىلدان بەرى جالعاسىپ كەلە جاتقان ءازىربايجان مەن ارمەنيا اراسىنداعى قاقتىعىس ويعا ورالادى. ءازىربايجان تاۋلى قاراباقتى قايتارىپ الۋعا بەل بۋعاندا تۇركيادان اۋەلى نە كومەك الدى؟ بۇعان تاڭ قالۋىڭىز دا مۇمكىن، ءبىراق بۇل بايراقتار ەمەس، جاڭا بيزنەس-پروسەسستەر بولدى.
بۇگىندە قازاقستان دا ۋكراينانىڭ سوعىس الاڭىندا جۇرتتى تامسانتقان تۇركيانىڭ «بايراقتارىن» ساتىپ الۋعا كىرىسكەلى وتىر.
سەبەبى، ارميانى جاڭا ۇلگى بويىنشا قايتا قۇرۋ، ونداعى بارلىق نەگىزگى ۇدەرىستەردى تۇبەگەيلى وزگەرتۋ ارقىلى عانا زاماناۋي سىن-قاتەرلەر مەن قاۋىپتەرگە توتەپ بەرە الاتىن قارۋلى كۇشتەر قۇرا الامىز. ونسىز قورعانىس سالانىڭ الەۋەتىن كوتەرۋ مۇمكىن ەمەس.
