ماجارستان پارلامەنتٸ جوعارعى سوتتىڭ بۇرىنعى تٶراعاسى اندراش باكانى ەلدٸڭ جاڭا پرەزيدەنتٸ ەتٸپ سايلادى. ونىڭ كانديداتۋراسىن بيلٸكتەگٸ "تيسا" پارتيياسى ۇسىنعان, دەپ حابارلايدى dalanews.kz.
پارلامەنتتەگٸ جاسىرىن داۋىس بەرۋ كەزٸندە باكانى 140 دەپۋتات قولداپ, التاۋى قارسى داۋىس بەرگەن. ۆيكتور وربان باسقاراتىن وپپوزيتسييالىق "فيدەس" پارتيياسى داۋىس بەرۋگە قاتىسپادى. پارتييا ٶكٸلدەرٸ بۇرىنعى پرەزيدەنت تاماش شۋيوكتىڭ ٶكٸلەتٸن مەرزٸمٸنەن بۇرىن توقتاتۋدى زاڭسىز دەپ سانايتىنىن مەلٸمدەگەن.
اندراش باكا بۇعان دەيٸن ماجارستان جوعارعى سوتىن باسقارعان. ول وربان بيلٸگٸ كەزٸندەگٸ سوت رەفورمالارىن سىنعا العاننان كەيٸن 2011 جىلى قىزمەتٸنەن مەرزٸمٸنەن بۇرىن بوساتىلعان. كەيٸن ەۋروپانىڭ ادام قۇقىقتارى جٶنٸندەگٸ سوتى ونىڭ قىزمەتتەن الىنۋىن زاڭسىز دەپ تانىعان.
جاڭا پرەزيدەنت العاشقى سٶزٸندە مەملەكەت باسشىسى قوعامداعى تٷرلٸ ساياسي كٶزقاراستاردى ەسكەرٸپ, ازاماتتاردىڭ پٸكٸر بٸلدٸرۋ قۇقىعىن قورعاۋى كەرەگٸن ايتتى.
ول ەلدە بيلٸك تارماقتارى اراسىنداعى تەجەمەلٸك ەرٸ تەپە-تەڭدٸك جٷيەسٸن قايتا قالىپتاستىرۋ قاجەتتٸگٸن دە اتاپ ٶتتٸ.
"پرەزيدەنت بارلىق مەسەلەنٸ تٸكەلەي شەشۋگە ٶكٸلەتتٸ ەمەس. بٸراق ونىڭ مٸندەتٸ – قوعامداعى تٷرلٸ توپتاردىڭ, ەسٸرەسە قولداۋعا مۇقتاج ازاماتتاردىڭ مٷددەسٸن بارىنشا كەڭٸنەن بٸلدٸرۋ", – دەدٸ اندراش باكا.
اندراش باكانىڭ پرەزيدەنت قىزمەتٸنە رەسمي كٸرٸسۋٸ 19 تامىزعا جوسپارلانعان. ماجارستاندا پرەزيدەنت لاۋازىمى نەگٸزٸنەن ٶكٸلدٸك سيپاتقا يە بولعانىمەن, مەملەكەت باسشىسى زاڭدارعا قول قويۋ جەنە كەيبٸر زاڭ جوبالارىن كونستيتۋتسييالىق سوتقا جٸبەرۋ قۇقىعىنا يە.
